«أنا مش بخاف».. أبرز تصريحات الرئيس السيسي في المؤتمر الوطني للشباب

أدلى الرئيس عبد الفتاح السيسي بالعديد من التصريحات المهمة، خلال افتتاحه المؤتمر الوطني للشباب الذي انعقد في الإسكندرية، أمس الأربعاء، وهي التصريحات التي تناولت العديد من القضايا المهمة مثل أزمة الدولار، الحوار الوطني، العاصمة الإدارية الجديدة، أزمة الغلاء، السوشيال ميديا، أزمة العجز في عدد الأطباء.

أبرز تصريحات الرئيس السيسي في فعاليات المؤتمر الوطني للشباب:

-سعر صرف الجنيه أمام الدولار لو هيأثر على المصريين «بلاش منه».

-الدولة مش هتطلع لقدام إلا بتحطيم الفجوة بتاعت الدولار.

-ربنا اللي أراد أكون هنا.. ومكنتش متصور إن المصريين هيستحملوا.

-يقولك بتهدوا الجوامع.. يا سيدي هنرجع الجوامع والكنائس تاني.. بس هترجع صح.

-الأكل غالي صحيح.. بس إحنا بنبني الدولة.. وبنعالج تاريخ طويل.

-السوشيال ميديا «دردشة» الناس مع بعضها زي ما كانوا بيقعدوا قبل كدا على القهوة.

-قررنا زيادة عدد الخريجين من كلية الطب لعلاج نقص الكوادر الطبية.

-في أطباء مشيوا من مصر عشان مبديهاش كويس.

-لن نستطيع منع الأطباء من السفر للعمل بالخارج.. هذه حريات.

-إمكانات الدولة لا تستطيع توفير الأرقام التي تتطلبها وزارة الصحة.

-تكلفنا 80 مليار جنيه بعد أحداث 25 يناير والاحتياطي من 25 يناير وحتى الانتخابات الرئاسية تم القضاء عليه.

-الدولة تستورد طن اللحمة بـ«2000» دولار من الخارج.

-هناك فرق بين أيام كان سعر الدولار عندما كان بـ«6» جنيهات والآن أصبح بـ«30» جنيها.

-الحكومة تدخلت في سعر الصرف لتثبيت سعر الدولار.

-عملنا انتخابات رئاسية بعد 25 يناير جابت الناس اللي شفتوهم.. يعني خراب في خراب.

-أي حد مرحب به إذا كان هيضيف حاجة لمصلحة الدولة وأبقى خاين لو مرحبتش بيه.

-لما اللي جبتوهم في الانتخابات مشيوا من الحكم.. ضربوا الكنائس والجوامع ومحطات الكهرباء.

-لو أنا كنت خفت.. كنتوا هتتشردوا في كل حتة.. وكان زمانكم عايشين في خراب ودمار.

-الحوار الوطني ليس نهاية المطاف وكذلك العفو الرئاسي.

-عمري ما قولت كلام معسول وأني معايا صفائح العسل والزبدة.

-ربنا نجاكم يا مصريين.. ومتستنوش إنه ينجيكم كل مرة.

-أنا مش بخاف.. ولو كنت خفت كنتم كلكم في خراب ودمار.

-والله العظيم المصريين أثبتوا تحملهم للظروف الاقتصادية.

-الدولة مش بتاعتي ومش بتاعة الحكومة... دي بتاعتنا كلنا.

-مبعرفش مكونش أمين ومبعرفش مكونش صادق.

-محدش يعمر ويبني لأجل الناس ولأجل مستقبلهم.. وينضام.