بعد إعلان عودتها للفن.. الجمهور يسخر من ميريهان حسين
كتب: شاهيناز خليفة
أثارت الفنانة ميريهان حسين، جدلاً كبيرًا على مواقع التواصل الاجتماعي وذلك بسبب تصريحاتها الأخيرة، والتي أعلنت فيها أنها لم تعتزل الفن من الأساس وأنها فقط اعتزلت السوشيال ميديا.
وتواجه ميريهان حسين، موجة من الانتقادات والسخرية وذلك لحديثها عن عدم اعتزالها الفن، بينما دعمها البعض الآخر وهنأها على عودتها.
وجاءت تعليقات الجمهور ما بين مؤيد ومعارض، كالتالي: «متقصديش اعتزال الفن اومال كل الموشح اللي كتبتيه عن الوسط الفني اللي كله شلالية وأصحاب ومصالح بتشغل بعض بس ده كان إيه!! اعتذري و ارجعي لكن متغيريش كلامك».
فيما قال آخر: «يا قلبي والله احنا فاهمين ان كل ممثل بيحب يرجع للساحه تاني يقول ان عايز اعتزل عشان تتكلم عنه تاني»، وعلق آخر: «لقت محدش عبرها ف الاعتزال قالت اما اعمل ترند ف الرجوع يمكن حد يعبرني ومحدش عبرها بردو».
أما المؤيدين لعودتها الفن والسوشيال ميديا، جاءت تعليقاتهم كالتالي: «وحشتينا أوي ومستنين كل جديد»، وعلقت آخرى: «فوووووقي وروووقي يا ميمااااا كلنا بنحبك وجمهورك بيدعمك من قلبه وانتي اد اي شيء المهم انك تكوني نفسيا مرتاحه ♥️ربنا يسعد قلبك ويديكي الخير».
وكانت ميريهان حسين، أعلنت أمس الأحد، عن عودتها للسوشيال ميديا، مؤكدة أنها لم تعتزل المجال الفني، قائلة: «شكرًا على الحب والدعم اللي فرح قلبي و عرفني ان حبكم نعمة من ربنا، شكرًا لكل حد منكم بعتلي مسدچ أو حاول يوصلي و يعبرلي عن حب جميل ويحسسني اني ماتعبتش عالفاضي شكرًا لكل اللي قالوا في حقي كلمة حلوة ، إن شاء الله هارجع أكون معاكم و ربنا يكتب الخير ليا و لكل الناس ،، شكرًا مرة تانية من قلبي».
View this post on Instagram
