مدحت صالح عن الاتجاه للغناء بالذكاء الاصطناعي: «عايزين نشبع من المزيكا»
كتب: شاهيناز خليفة
تحدث الفنان مدحت صالح، عن الغناء بالذكاء الاصطناعي خاصة بعد تصريحات عمرو مصطفى الأخيرة بتلحين أغنية جديدة لأم كلثوم بتقنية الذكاء الاصطناعي.
وأوضح صالح، خلال المؤتمر الصحفي المُقام حاليًا في دار الأوبرا المصرية، أن فكرة الغناء بالذكاء الاصطناعي ستجعل الجمهور يشبع من المزيكا.
وأبدى مدحت صالح رأيه في إتجاه عمرو مصطفى لاستخدام تقنية الذكاء الاصطناعي، قائلا: «مش عارف عمرو مصطفى قال إيه بالظبط ولكن في إمكانية إننا ناخد بصمة صوت أي حد، سواء رحل عن عالمنا أو عايش، ويتم توظيفها».
وأضاف صالح: «في تكنيك تاني في التكنولوجيا، إننا ناخد الصوت فقط ونركب عليه مزيكا، وده المشروع اللي كنت بقدمه للدولة عشان نشتغل عليه في الإذاعة، وممكن ناخد الأصوات دي ونخلي كل الناس مواليد 2023، وأنا بعمل كده».
وأوضح: «عمرو مصطفى بيلعب في التقنية دي، بياخد صوت حليم وبيعمل لحن وأيضًا الست أم كلثوم، محدش هيقرب من البناء الأساسي للحن، مش هلعب في اللحن ولكن بنحاول نزود متعة الجرعة السمعية».
واختتم مدحت صالح حديثه عن الذكاء الإصطناعي، أن الجمهور محتاج جرعة مزيكا أكثر وعايز يشبع من المزيكا، لافتًا إلى أن كل أغنية بمفردها ستجعل أي مستمع أن يشبع من المزيكا.
