ريم طارق عن سبب طلاقها من شاكوش: «أخلاقيا مش هقدر أقول» (فيديو)

أعلنت ريم طارق، طلاقها من زوجها مؤدي المهرجانات حسن شاكوش، موضحة أن الطلاق وقع لمشاكل زوجية لا تستطيع الإفصاح عنها والأمر لن يتوقف عند الخيانة فحسب.

جاء ذلك خلال حوارها ببرنامج 90 دقيقة، المعروض عبر قناة المحور، مساء اليوم الإثنين، وتابعت: «أنا اتحملت اللي محدش يتحمله، من رابع يوم زواج وبشوف كل يوم قصة وموضوع، كفاية إن أنا كنت مهددة إن أنا أقعد في البيت، أو أخرج من البيت معرفش أرجع، بسبب خلافات زوجية بس مش زي أي اتنين متجوزين».

وتابعت: «اللي شفته في البداية إن هو طيب وابن حلال وجدع وشهم ، وعلشان كده وافقت بس الصورة حاجة والحقيقة حاجة تانية الشخص اللي في البيت حاجة تانية خالص، كل اللي أقدر أقوله شوفت أبشع حاجات ممكن حد يشوفها، شوفت كل حاجة وحشة، وحاجان أنا أو غيري مش هنقدر نتحملها بعيدًا عن الخيانة، والموضوع أكبر من كده بكتير».

واستكملت: «لكن دينيًا وأخلاقيًا وإنسانيًا أنا مش هقدر أقول، أنا تعبانة ونفسي أقول لكل الناس، بس مش هقدر، لأني هبقى فضحت بن آدم وأنا مش هقدر أشيل الذنب ده، الموضوع كبير مش هقدر أحكيه».

واختتمت: «نفس أحكي ونفسي أقول أنا مش سبوبة، ومش بتاجر، ومش عايزة فلوس، بس الموضوع كبير مش هقدر أحكيه، كل يوم قصة موضوع وكل يوم في تطور».