محمد صبحي: «فنانون محددون تصدروا المشهد»

علّق الفنان محمد صبحي على حالة الوسط الفني حاليا، مؤكدا عدم رضاءه عنها، وجاء ذلك خلال مداخلة هاتفية ببرنامج "حضرة المواطن"، عبر قناة "الحدث اليوم".

وقال محمد صبحي خلال الحلقة، " "أنا حزين ولا أتسول أنا بشتغل وبكتب ومسرحي كومبيله بقاله 7 سنين في الصحراء، والجمهور دا اللي كنا بنقول عليه حزب الكنبة اللي مرضيوش ينزلوا شوارع مصر عشان ميؤذوهاش مش خوفا هما مش عايزين أي فن بيروحوا لفن اختاروه ومتأكدين إنه هيخاطب عقولهم".

وأضاف، عن سيطرة نجوم محددة على الوسط الفني: "هما اللي بيعملوا البرامج الحوارية وهما اللي بيعملوا المسلسلات والإعلانات والمسرحيات وهما اللي بيسافروا ورا الدولارات، أنا معنديش مشكلة ولا أنا عايز أمثل ولا اشتغل أنا شغال في حتة لوحدي وعلى جنب والناس هي اللي بتجيلي، بس أنا آسف أنا بدافع عن ريادة بلدي ووطني، أنا مش المفترض أني أفهم في كل حاجة أتعرض عليا وزارة الثقافة أكتر من مرة ورفضت لأني لا أصلح وفي غيري كتير يصلحوا، النهاردة وزيرة الثقافة بقالنا كام سنة مطلبتش تقعد مع الفنانين تعرف إيه مشاكلهم، أحنا بننفذ غصب عننا ما يريده أعدائنا أن أحنا نغيب ونعمل أعمال تافهة، هل من مصلحة عدونا أن نعمل تعليم عظيم وفن راقي هل عدونا يتمنى لينا النجاح؟".