بطولة عادل إمام.. رحاب الجمل تكشف تفاصيل استبعادها من فيلم «عمهم»

كشفت الفنان رحاب الجمل، عن رد فعلها بعد استبعادها من فيلم "عمهم" للفنان محمد عادل إمام، دون أي أسباب واضحة أو الاعتذار لها.

قالت رحاب الجمل خلال لقاء لها مع برنامج "الستات": "الكاست كله اتغير، ومسألتش ليه تم استبعادي، ومش هحرج الناس، أنا المخرج حسين المنباوي هو اللي كلمني وقالي شايفين الدور فيكي، واتغير محمود حميدة وأمينة خليل، علشان كده مضايقتش لأن مش مقصودة هو الفريق كله اتغير".

وأضافت: "بعدها جالي فيلم مع نفس الشركة المنتجة وهو فيلم مستر إكس، فده دليل إن مفيش مشكلة مش معايا".

وتابعت: "لو مأخدتيش أجرك في فيلم حتى لو أستاذ يسري نصرالله، قولت لأ.. لأن لازم أخد حقي الأدبي والمادي، لكن الكلام اتحور وإتقال إن مش هشتغل مع يسري نصرالله".

وعن طريقة تعاملها مع السوشيال ميديا، قالت: "أنا مش مسالمة، على السوشيال ميديا خالص، وأنا سهل استفزازي، وفي النهاية كل حاجة بتتحول لضحك".

 أكدت رحاب الجمل، أنها تربطها علاقة طيبة بالفنان محمد رمضان، موضحة أن مخرج المسلسل محمد سامي غضب بسبب اعتذارها عن مسلسل الأسطورة، ولكن بمجرد علمه بسبب رفضها العمل، تفهم الأمر بصدر رحب، مشيرة إلى صعوبة تنسيق مواعيدها من أجل الاشتراك في المسلسل.