«كنت هطلبلها البوليس».. فريدة سيف النصر تكشف عن موقف بينها وبين معجبة
كتب: شاهيناز خليفة
روت الفنانة فريدة سيف النصر موقفًا لها مع أحد معجباتها، والتي أصرت على التقاط صورة معها بعد الواحدة ونصف من منتصف الليل في منزلها، الأمر الذي جعلها تهددها أنها ستطلب لها الشرطة.
ونشرت فريدة سيف النصر، عبر صفحتها الرسمية على موقع الصور والفيديوهات الشهير «إنستجرام»، قائلة: «يمكن حرامية، أنا في القاهرة في عز الحر القمر الجميل، مخصوص للاستعداد لانترفيو مهم فا باوضب الحاجات، ههههه حاجات مين يابو حاجات، وعندي شاهد عاللي باقوله».
وتابعت خلال منشورها، قائلة: «معدة البرنامج المحترمة معايا عالموبايل وإذ الباب يخبط بشدة، نعم خير والكلاب هاجت وماجت في حد غريب، أنا طبعًا سألت مين، الست قالت أنا.. أنتي مين.. لهجتها مش مصري ومش خليجي ولاشامي ما علينا، أصرت على كلمة أنا افتحي ..المعده قالت لي لأ.. الساعة واحدة ونص.. قولت لها في إيه قالت عايزين نتصور معاكي معايا بنات وحضرة البوابه نايمين، ما هو تلات اربع الناس في اجازات».
وأضافت: «قولت لها امشي من هنا وخللي عندك ذوق حد بيتصور دلوقتي مش عايزه تمشي والكلاب هاجت قولت لها هاطلب لك البوليس .قالت هاجي لك الصباح..هو في كده في الدنيا. فعلا الناس الجداد دوول مافيش تمييز خالص...ينفع كده واهي بتقوللي المعده خللينا نتكلم علي ناس بيعملوا كده في حرية الفنان..الغريب بقي أن حبايب قلبي كلاب الشارع اللي مربينهم بهدلوهم نباح مش مرتاحين لهم بجد والله الحيوانات نعمه ربنا عارف خالقهم ليه...قال يتصوروا قال ...قلة ذوق .ايه رايكم فيهم بقي الشققا هههه قلة ادب».
اقرأ أيضًا: بعد إلغاء حفل ترافيس سكوت.. مصطفى كامل: «انتصر الحق.. تحيا بلادي بالقيم والمبادئ»
