الفنانة هديل حسن: «مين هنا شيحة؟!»

كشفت الفنانة هديل حسن حقيقة الخلافات بينها وبين الفنانة هنا شيحة قائلة: "معرفهاش و مفيش مشاكل بيننا، عملت دورها في مسلسل لعبة النسيان بعد اعتذارها عن الدور وجابوني ليلة التصوير لأنها اعتذرت بسبب فيروس جالها في عينها". 

وتحدثت عن كواليس مشاركتها في المسلسل قائلة: "هو الدور دة جالي بسبب اعلان فيلم قصير "الحد الساعة خمسة" ولقيت الكاستنج دايركتور بتاع المسلسل بيتصل علشان أعمل كاستنج، كنت رايحة بترعش وعملت لكن تم قبولى في الدور". 

واستكملت: جابوا حد جديد علشان ميبقاش بديل لهنا شيحة لأنهم مش هيبدلوها بحد ممكن يحصل بينهم مشاكل ومفيش مقارنة بين خبراتنا في التمثيل.

كما أعربت الفنانة هديل حسن عن حبها للسينما قائلة: " أنا بحب السينما جدا علشان كدة درستها والشغل في الأفلام مختلف جدا عن المسلسلات والأفلام القصيرة بتديني فرصة أني أجرب بين الشخصيات المختلفة". 

وأضافت: كنت منبهرة اني بمثل قدام   المخرج خيرى بشارة واستمعت أكتر بالشغل معاه كمخرج. 

برنامج "FACE OFF" تقدمه سارة نخلة على قناة هي يوميًا من السبت إلى الأثنين وتستضيف من خلاله عددا من نجوم الفن، وتناقش القضايا المطروحة يوميًا بين الجمهور.