حسام داغر ناعيا قطه الخاص: «مات مسموم من قلوب منزوع منها الرحمة»
كتب: نسرين إبراهيم
نعى الفنان حسام داغر، قطه الخاص، وذلك بعد موته مسموما من قبل مجهول، معبرا عن حزنه الشديد لموته، وغضبه من الشخص الذي قام بهذا الفعل، حيث وصفه بـ"منزوع الرحمة".
ونشر داغر، صورا للقط أثناء محاولة إسعافه، وذلك عبر حسابه الرسمي على موقع الصور والفيديوهات "إنستجرام"، قائلاً: "القط الصغير البرتقالي مات.. كان جميل وطيب وبيحب يلعب مع الناس .. أختي لقته عند السوبرماركت والأطفال رابطينه بحبل وبيلعبو بيه.. زعقتلهم أختي وقالتلي خليه عندك في الجنينه.. ربيته عندي ومكانش ليه اسم.. كل حد ييجي يسميه اسم الي مسميه مشمش و الي مسميه حزلقوم والي مسميه سيمبا.. الكل اتفق علي حبه لانه كان بيحب الناس قوي وبيحب يقعد علي حجرهم ويبقي مبسوط".
وأضاف: "كان عندي قطه مخلفه جابت قطة واحده وحيدة كانت قاعده لوحدها عندي في الجنينه بقي هو أخوها وصاحبها وحبيبها بيلعبوا سوا طول النهار وياكلوا سوا ويطلعوا علي سلك الوميتال سوا.. من أول امبارح وهو مش مضبوط وديته للدكتور العياده قالي حد حطله سم فيران.. هو بيحب الناس ممكن حد ندهله بره وحطله الاكل وهو كل بحسن نية.. حاولت كتير نلحقه بالأدويه من امبارح التنفس عنده في مشكله ومكانش بياخد نفسه والنهارده قعد يشم هوا بصعوبه ونام علي جنبه وبصلنا ومات.. عمره خلص".
واختتم: "القطه التانيه خايفه عليه اضطريت ادخلها جوه علشان متشوفش واحنا بندفنه.. قلبي واجعني كان متمسك بالحياة وبيحب البشر ميعرفش ان فيهم ناس قلوبها منزوع منها الرحمة مات وعينيه مليانه دموع من الألم.. مكانش ليه اسم بس كان طيب و جميل و بيحب يلعب مع الناس".
View this post on Instagram
