ماجد الكدواني: بابا كان قاسي أوي وتفاديت اللي محبتوش في تربية ولادي

كشف الفنان ماجد الكدواني عن علاقته بوالده، واصفًا إياه بالقسوة في التعامل معه هو وأشقاءه.

وقال خلال لقاءه ببرنامج صاحبة السعادة مع إسعاد يونس، "أبويا وأمي كانوا ناس عارفين قيمة ثمرة الحياة بابا رغم إنه شد علينا أوي وقاسي علينا شوية في الحياة والتربية والمنشأ وجالوا تصميم مسجد الدولة في الكويت سنة 1971 وروحنا معاه وعشنا هناك حتى 1985".

وأضاف، "عشنا مع بابا في الكويت حياة طبيعية ربنا رتب بقى إننا نعيش في مجتمع ملتزم صغير وقادر يقفل علينا براحته أينعم ده كان له بعض المشكلات والانفجارات فيما بعد لإننا صبيان لكن ده كان الحيطة الخرسانة اللي في ضهري واللي سيبهولنا بابا بتربيته لكن فيه حيطة خرسانة تخليني مقعش على ضهري، قعدنا 14 سنة في الكويت".

واستكمل،ماجد الكدواني، " "تفاديت كل اللي ضايقني من أبويا مع ولادي يوسف وساندرا، نربي صح بشدة والتزام لكن بصحوبية ونعومة من غير الحتة والتكة الزيادة، اللي عملوا بابا أفادني لكن خلاني أتلافى أي شيء زعلني مع أولادي".