بعد نجاح «سفاح الجيزة».. تحذيرات من التعامل مع سمر طارق

هاجم المطرب كريم عماد جابر الشهير بـ الوايلي، المطربة سمر طارق صاحبة أغنية «عتمة»، والتي كانت تتر لمسلسل «سفاح الجيزة» الذي عُرض مؤخرًا على منصة شاهد.

وكتب الوايلي، منشورًا عبر حسابه الرسمي على موقع التواصل الاجتماعي «الفيس بوك»، قائلا: «مساء الفل.. مبسوط أن سفاح الجيزة خلص وكنت مستنى اللحظة دى عشان أقول حاجة مهمة، دي آخر مرة في حياتى هتعامل فيها مع سمر طارق، لأسباب كتيرة جدًا».

وتابع: «أولها عدم الاحترافية والمهنية، وثانيها محاولاتها في إنكار أي دور ليا في أي حاجة لدرجة توصل إنها بتكدب كدب صريح في الانترفيوز لمجرد إنها تدي كريدت لنفسها على حاجة معملتهاش».

وأضاف: «وأنا بكتب دلوقتي حسيت إن كمية المواقف اللي مش لطيفة واللي هي كانت السبب فيها أو الإدارة بتاعتها السبب فيها على مدار السنة اللي فاتت كلها سواء في تراك لو بتاع الهرشة السابعة أو عتمة كتيرة أصلا على أني اشرحها أو أتكلم عنها».

واختتم حديثه: «فهكتفى بأني أحذر صحابى البروديوسرز منها وخلاص.. وبجد بتمنى الظروف متستدعيش اقعد أحكي كل موقف حصل فيه إيه عشان مش دا اللي حابب اكون بضيع وقتي فيه الفترة الجاية».

وتعاون الوايلي مع سمر طارق في أغنية لو تتر مسلسل «الهرشة السابعة»، والتعاون الثاني معها كان في تتر أغنية سفاح الجيزة «عتمة».

اقرأ أيضًا: بعد نجاح «تحت الحزام».. غادة عبد الرازق: «فيه ناس بتقولي إحنا بنخاف منك» (فيديو)