طليق علا غانم يفجر مفاجآت: «باعت كل أملاكي بأسماء بناتها وبلطجيتها ضربوني»

قال عبد العزيز حسن طليق الفنانة علا غانم إنها قد ظهرت في عدد من وسائل الإعلام وعبر عدد من برنامج وقالت ما قالت وكنت لا أرد، حتى وصل الأمر إلى أني لم أعد قادرًا أن أصمت.

جاء ذلك في تصريحات له خلال مؤتمر صحفي عقده في منزله بالمنصورية، حيث قال اليوم يجب أن أقول الحقيقة التي لا يعرفها أحد، وقال: "أولا موضوع الخلع عجبني في الأخر، بسبب انفصالنا، وأنا مش شايف إن الخلع للست أوالراجل مش عاجبني الموضوع ده، وأنا فرقت شربات لأني مبسوط بسبب إني كنت محتفظ بحاجات كتير جدًا"، وأضاف: "علا طلعت مع بسمة وهبة وقالت إن هي قعدت معايا كام سنة من غير ما تحبني، وأنا خدت الكلام بتاعها وفكرت فيه وفي السنين اللي فاتت، لقيت إن كلامها كله صحيح، هي مسلسل استمرت فيها لغاية ما خدت الحاجات اللي هي عايزاها".

فيما أكد محامي طليق علا غانم أن موكله قد تعرض للضرب من قبل بلطجية وأن ما قالته علا غانم غير صحيح، وأكد عبد العزيز كلامه قائلًا: "كنت جاي أنا وشريكي وحد تاني، ولما دخلت انضربت علقة حلوة، وفي توثيق لكلامي، والقسم بعتني للمستشفى، وعندي قطع 6 غرز، وفي قطع غرزتين، ووالدتها هي اللي ضربتني بحديدة، وعلا ضربتني في حاجبي، وجارد بتاعها حدفني على الأرض، ومكنتش هقدر أضرب مراتي، ومتعلمناش إن إحنا نضرب ست، وكان همها إني مخشش الفيلا، والفيلا كانت مدمرة" 

وفجر طليق علا غانم مفاجاة أخرى قائلًا: " علا ابتاعت قطعة أرض عام 2000 وزواجنا كان في 2005، وبنيت فيلا لها على طريق الإسماعيلية، وكان عندي بيت في مساكن الشيراتون، ومكنتش قابلة إن هي تقعد في البيت، وقالتلي إن نبني فيلا علشان شغلي ومدينة الإنتاج، وبنينا حاجه صغيرة، لغاية ما الثورة حصلت، وجالنا تهديدات إن احنا ندفع فديه مقابل خطف أولاد علا، واتقبض على الناس دي، وكنت قلقان على البنات وسفرت البنات"

وأكد محامي طليق علا غانم: "اتفاجئنا إن علا باعت الفيلا لبنتها، بعد ما كانوا قاعدين في الفيلا مع بعض، وهي كانت مأجرة الفيلا لطليقها إيجار قديم، وكان هدفها إن هي تنهى العقد، هي بتقول ان هي متعرفش حاجه عن موضوع العقد دلوقتي، وده أمر متروك قدام القضاء، وكلهم اتعملوا في محضر واحد بجميع الأطراف لطليقها وعلا غانم ووالدتها"

وأكمل "أي زوجين مصريين لما بيتطلقوا المحكمة المختصة، واقعة طلاق الخلع التي أقيمت القضاء المصري مختص بها، انهارده العلاقة الزوجية في أمريكا، عندما اقامة علا في أمريكا تجاه إن زوجها أمريكي، ويترتب على هذا أن في حالة حدوث الطلاق إن يتم إبلاغهم، وفي أمريكا إن في حالة الطلاق أموال الزوجين تقسم بينهما أثناء العلاقة الزوجية فقط، وقالت في أكتر من حديث إن هما عاملوا فنادق وحاجات كتير، وهناك في محل نزاع على الملكية، والعلاقة الزوجية ليست قائمة، وهيختص لده القضاء الأمريكي، وتم طلاقهما في أمريكا، لإن المحكمة في أمريكا ليست مختصة بالطلاق"