أحمد حلمي يبكي متأثرًا: «بحلم بأبويا كتير ومعظمها رسائل»

تحدث الفنان أحمد حلمي، عن طفولته وعلاقته بوالده وذلك خلال لقائه في برنامج  AB talks مع الإعلامي أنس بوخش.

وانهار حلمي من البكاء أثناء حديثه عن والده، قائلا: « أحيانا أتمنى أرجع صغير علشان أعيش حاجات ملحقتش أعيشها أو نفسي أكررها، أبويا مات وأنا ملحقتش أشبع منه ولا أعيش معاه المرحلة اللي هي بتاعت الصحوبية، هو مات وأنا في أوائل الجامعة وبعدين علشان هما قاعدين في بنها وأنا قاعد في القاهرة مكنتش بشوف أهلي كتير».

وأضاف أن مرض والده حرمه من التواصل معه وهذا لم يكن سهلا عليه، لافتًا إلى أنه شعر  بالعجز وقتها وهذا الشعور هو ما أصعب ما مر به خلال حياته.

وتابع: «ملحقتش أحكي لأبويا ويحكيلي ونخرج ونرغي ونتكلم، وهو كان مريض ومر بفترة صحية صعبة، وفترة مرضه كانت صعبة جدا على لإني وقتها حسيت بالعجز ومش عارف أعمل حاجة، حد بتحبه راقد وانت مش عارف تعمل حاجة، ولما توفى مشافش ولادي مفيش إلا بنتي الكبيرة كان عندها 3 سنين شافها».

وعن مواصفات والده، قال حلمي أن والده كان صامت أغلب الوقت ولا يتحدث كثيرًا، كما أن والدته رفضت الإقامة معه في بنها.

واختتم حديثه، قائلا: «بحلم بأبويا كتير ومعظمها رسائل وبابقى وفيه حلم كان بيزعقلي علشان انا بسجد غلط وانا بصلي وفي الرؤية قال لي ازاي انت بتسجد غلط ومعرفتش ايه بسجد غلط».

اقرأ أيضًا: مواعيد عرض مسلسل الفريدو الحلقات الجديدة