صفاء أبو السعود: دموعي لا تتوقف بسبب فلسطين.. ومفيش دين يسمح بقتل الروح

أعربت الفنانة صفاء أبو السعود، عن حزنها الشديد بسبب أحداث فلسطين، بعد قذف الاحتلال الإسرائيلي لمدينة غزة، وقتل الأبرياء، ودخلت أبو السعود في حالة انهيار أثناء مداخلة تلفزيونية لها، مؤكدة أن دموعها لا تتوقف جراء ما يحدث لأهالي غزة.

وقالت صفاء أبو السعود في مداخلة هاتفية على قناة DMC: "بقالي أكتر من 4 أيام دموعي لا تتوقف، لأن النيران في كل مكان ونار الحرب في غمار البحار نفسها وفي والهوا، والأرض كلها ملتهبة بالنيران، وده شيء فوق الاحتمال والواحد مش مصدق اللي بيحصل، لأن مفيش دين من الأديان بيقول حلال قتل الروح اللي المفروض لا تقتل إلا بإذن ربها فإزاي بيقتلوا الأطفال والأرواح".

وأضافت صفاء أبو السعود: "شيء موجع وفظيع ومدمر للنفس البشرية والواحد مش قادر يستحمل، وأكيد ربنا موجود يحميهم والواحد بيدعي ربنا يسكن الطوفان الفظيع ده حقنا للدماء، لأن القلوب أصبحت أشد قصوة من الصخور وعندهم غفلة وغرور، ولازم القتل يتوقف بأي طريقة".

وتابعت: "لازم يسمحوا للمعونات اللي جات تنقذ ناس معندهمش أكل ولا مياه ولا نور ولا كهرباء ولا شيء، ده شيء يوجع القلب فعلًا أنا مش ببطل بكا من المناظر اللي بشوفها طول الليل والنهار ومش بعرف أنام، وكل يوم بيطلع عليا الصبح بشوف الحاجات دي".

واستكملت: "كتر خير مصر والسيسي أنه بعت الدعم ولكنه لم يصل بسبب الحجب والمعوقات اللي منعت دخول الموعنة والدعم، ونتمنى من رؤوساء وملوك العالم يتحدوا علشان يحلوا هذه القضية ونحن لا نملك إلا الدعاء".

وواصلت صفاء أبو السعودي: كل مصر وكل العرب وكل الناس في أنحاء العالم حتى في منطقة اليهود متعاطفين لأن محدش يحب يشوف شخص بيقتل بلا سبب، ودي مش منطقة حروب دي ناس قاعدة في بيوتها، وإزاي يضربوا مستشفى ويموتوا فيها مريض جاي يتعالج لا يستطيع الدفاع عن نفسه ولا يحمي نفسه، ومفيش دين من الأديان يحث على قتل الأبرياء ده شيء قاتل وموجع، وكتر خير مصر وغيرها من الدول اللي دخلت تساعد لكن المساعدة ما وصلتش لأصحابها، حرام قتل الناس أنا منهارة وآسفة مش قادرة أمسك دموعي".

اقرأ أيضا: عمرو محمود ياسين يكشف علاقة مسلسله الجديد «55 مشكلة حب» بكتاب مصطفى محمود