سامح حسين: سلاحي الفن.. وراضي عن أفلامي في السينما
كتب: نسرين إبراهيم
كشف سامح حسين عن كواليس تجربته في مسلسل "راجل وست وستات"، وعن أعماله التي قدمها في السينما على مدار مشواره الفني.
وقال سامح حسين خلال لقاء له ببرنامج مساء الإمارات، المذاع على قناة الظفرة، الذي يقدمه عبدالعزيز أحمد: "رمزي في راجل وست ستات هو اللي عرفني على كل الوطن العربي، رغم أن كان عندي محاولات قبل كدة بس دة اللي انتشر، والكوميديا اللي شوفناها كان سببها التيم كله من ورشة الكتابة والمخرج والثنائي اللي قدمناه أنا وأستاذ أشرف".
وأضاف: "اشتغلنا 7 مواسم وكل موسم 34 حلقة، وفي الأول كنت بقول لأشرف عبدالباقي، يا عادل، لكن وأنا بشتغل على الورق، اقترحت إني أقوله دوله حبيبي، كل ما يزعقلي لإنها هتبقى ألطف، ومفكرتش أقدم شخصية رمزي لوحده ولكن لو اتعمل المسلسل تاني هشارك فيه".
أما عن تجربته في السينما والفيلم المقرب لقلبه، قال: "أنا راضي عن أفلامي في السينما جدًا وإلا مكنتش هقدمها وأكتر فيلم بحبه هو عيش حياتك، لأنه من تأليف مراتي وهي دارسة دراما وبتقرأ كتير، والفيلم عن تجارب حقيقية عشناها سوا وبيقدم صورة مشرفة للبلد، لأن أي حد عنده انتماء لبلده، بيشتغل بسلاحه وأنا سلاحي الفن".
اقرأ أيضا: أمينة خليل مفاجأة أحمد مكي في «الكبير أوي 8»
