هالة صدقي: مش هكون موجودة في 2024 وفكرت في الاعتزال

أعلنت الفنانة هالة صدقي، عدم مشاركتها في أعمال دراما رمضان 2024، بعد ما حققته من نجاح كبير في مسلسل "جعفر العمدة" برمضان 2023.

وقالت هالة صدقي، على هامش حفل افتتاح مهرجان البحر الأحمر السينمائي الدولي، بجدة، أمس: "ربنا وفقني إن جعفر العمدة خلاني أخد جائزة أحسن ممثلة من 10 بلاد عربية، ودي حاجة عظيمة، ولسة جاية من الرياض كنت بعمل مسرحية حققت نجاح كبير وبحضر فيلم هيكون السنة الجاية في المهرجان كتف قانوني".

واستكملت: "الجزء الثاني من مسلسل جعفر العمدة، متأجل للسنة اللي بعد الجاية إن شاء الله والسنة دي مش هكون في رمضان 2024".

وعن تفكيرها بالاعتزال عن الأعمال الفنية، قالت: "كنت بفكر أعتزل الفن قبل جعفر العمدة لأن في تجارب مريت بيها وحسيت أن الحكاية باظت ومش اللي أنا متربية عليه والورق اللي بيتكتب في اللوكيشن والبطل اللي ممكن يلغي المؤلف وبيغير المخرجين وكنت بلاقي لو معايا بطلة تاني ممكن المخرج يجاملها ومفيش حد بيشتغل لمصلحة العمل بيشتغلوا لمصلحة أشخاص".