ابنة مروة عبد المنعم: ماما اللي علمتني القرأن وبسببها لبست الحجاب

كشفت حور ابنة الفنانة مروة عبد المنعم عما حدث حول ارتداءها الحجاب، وما تعرضت له من هجوم بسبب ارتداءها إياه.

وقالت حور عبر فيديو تيك توك، "قررت ألبس الحجاب عشان أنا مسلمة وعشان ربنا، وحسيت إني عايزة أتحجب.. وليه ماما تتهاجم دي حرية شخصية".

وأضافت: "أنا عايزه أتحجب.. ماما مش عايزة تتحجب عادي وبردو أنا فخورة بماما وهي مش بتلبس حاجات مفتوحة وهي اللي ربتني، لو مكنتش متربية صح مكنتش هاتحجب، وأكيد هي اللي علمتني أصلي واقرأ قرآن، وهي اللي حببتني في ربنا وبسببها أنا بقيت عايزة اتحجب، وياريت كل واحد يبقى في حاله ودي حاجه بينها وبين ربنا".

وسبق، ونشرت مروة عبد المنعم، مجموعة صور جمعتها بـ ابنتها بالحجاب، عبر حسابها الشخصي بموقع التواصل الاجتماعي فيسبوك، وعلقت قائلة: فخورة بـ بنتي أيوة بنتي اتحجبت وأنا لسه.. كفاية بقى تنمر يا جماعة وكلام غريب بسمعه.. وازاي البنت اتحجبت وماماتها لأ.. يا جماعة اللي هيحاسبني هو ربنا.. وهو اللي عالم بالنوايا".