نجوى إبراهيم تعلن تعافيها من السرطان: هبدأ النهاردة حياتي
كتب: نسرين إبراهيم
أعلنت الإعلامية نجوى إبراهيم تعافيها من مرض السرطان.
وقالت نجوى إبراهيم في تصريحات لها اليوم ببرنامجها "بيت العز" على إذاعة نجوم أف أم: "أنا فرحانة جدا ومبسوطة جدا.. ومش عايزة حد يقول دى طلعت من أسبوعين ودلوقتي بقت كويسة الموضوع بقاله أربعة أشهر بس مرضتش أعلن عنه ربنا أراد الشفاء بسبب دعواتكم اللى استقبلتها".
وأضافت: "بعد أربع أو خمس شهور قلق حابة أفرحكم وهي جت كده من عند ربنا وبيجيلي كم دعوات كتير منكم اعتبروني من النهاردة لسة وجه جديد معاكم".
وتابعت: "أنا هسكت كفاية إنى أقولكم بحبكم من قلبي حقيقي وبعزكم وبحترم الجمهور اللي بدأ معايا وأنا كنت لسة صغيرة شبر ونص لغاية دلوقتي، هبدأ النهاردة حياتي معاكم واعتبروني وجه جديد".
