سيد رجب يكشف سبب تخوفه من المشاركة في «أبو العروسة»

كشف الفنان سيد رجب سبب تخوفه من المشاركة في مسلسل "أبو العروسة"، كما أعرب عن سعادته الشديدة بسبب نجاح العمل والتعاون مع الفنانة سوسن بدر.

وقال سيد رجب في لقائه ببرنامج Sold Out مع الإعلامي محمود سعد: "لما اتعرض عليا أبو العروسة كنت شايف أن المسلسل بسيط وبطولة وأنا بخاف ومش عايز اتحمل مسئولية مسلسل كامل أنا البطل فيه، لكن اشتغلت فيه ومن خلاله شفت أمي وأبويا وخالتي شفت عيلتي، رجعتلي حياتي القديمة وكان جزء من سبب أني أخد قرارات في حياتي، طول تصوير مسلسل "أبو العروسة" كنت جوا أسرتي اللي شايفها وأنا صغير".

وتابع سيد رجب، قائلاً: "أنا عندي أولاد زياد وبسمة وعندي حفيدين هنا ونوح لكن أنا عايش وحدي، كل واحد فيهم منشغل في حياته ودا طبيعي، لكن "هنا" حفيدتي دلوقتي كلنا حواليها، أنا نفسي أحفادي يشوفوا وعيشوا اللي أنا عيشته وأنا صغير".

واختتم سيد رجب كلامه: "فكرة العيلة لقيتها في مسلسل أبو العروسة، ولقيت حياتي اللي كنت بحبها وأنا صغير واتربيت ونشأت على أساسها".