شقيق شيرين عبد الوهاب عن طلاقها: المعلومة عندي من يومين
كتب: شاهيناز خليفة
كشف محمد عبد الوهاب، شقيق المطربة شيرين عبد الوهاب، عن عدم رغبته في التعليق على طلاق شقيقته، وأنه مهما حدث بينهما سيظل يحب ويود شقيقته الكبرى.
وكتب شقيق شيرين عبدالوهاب، في منشور له عبر حسابه الشخصي على «فيس بوك»: «والله ولا كنت عايز أعلق على الموضوع أساسًا ولا عايز أصلًا يبقى لي علاقة بأي حاجة، أنا بس المعلومة عندي من يومين، ومن كتر التليفونات والرسايل من الصحفيين وأنا مليش أي علاقة ولا قريب ولا عايز».
وأضاف: «الحقيقة بحبها أوي روحي وعمري وأختي الكبيرة وتاج رأسي وخيرها علي، ولحم كتافي من خيرها وأمي التانية بعد أمي، وبإذن الله هترجع تاني تكسر الدنيا وتمتعنا بفنها وغناها وصوتها وإحساسها اللي مفيش زيه في الكوكب كله، وبتمنالها كل خير من كل قلبي وتاخد بالها من ولادها سندها في الدنيا ونور عنيها، بس كله من وأنا بعيد في حياتي وهي في حياتها».
واختتم: «وحياة أمي بحبها أوي بس والله الطاقة اللي عندي يدوب على قد شوية الأمراض اللي جتلي والحمد لله على كده، مليش علاقة بأي حاجة أتمني تسيبوني أرجع شخص عادي ملوش علاقة غير بنفسه وبس شكرًا».
اقرأ أيضًا: مروان حامد: «لازم أخلق واقع للفيلم عشان الناس تصدقه»
