محمد فؤاد: الست اليابانية بتشيل جزمة جوزها من على الباب

أبدى الفنان محمد فؤاد، رأيه في العلاقة بين الرجل والمرأة، خلال لقاء له في الموسم الجديد لبرنامج "كلام الناس" الذي تقدمه ياسمين عز.

وعن رأيه بالعلاقة بين الرجل والمرأة، قال: "العلاقات الزوجية اليابانية، من أنجح العلاقات في العالم، والمرأة اليابانية تحترم زوجها وتقدره، الست اليابانية بتشيل جزمة جوزها من على الباب وما ينفعش يمشي جنبها وهو شايل الحاجات".

وأضاف: "الرسول أوصانا بالنساء خيرًا، لذلك لم يكن الرجل أهم من المرأة، لكن الرجل الناجح هو الذى يحافظ على أسرته، ويراعي منزله".

وأعرب عن حبه وتقديره لياسمين عز، قائلا: "رافعة راسنا انتي على طول، وانتي نجمة كبيرة وعاملة حالة ولازم تلاقي طوب كتير بس ربنا معاكي، مفيش حد بينجح من الهواء، وماردتش أطلع معاكي قبل كده عشان كنت تخين أوي الحمد لله انها محصلتش".

وتابع: "الناس دلوقتي تحسي انهم بيبقوا قاصدين يخبوا الكويس ويظهروا الوحش بس وإن كان في شئ إيجابي ميتقالش ونطلع السلبي لأنه اللي بيجيب مشاهدات أو تريند أو بيلفت النظر وده في حد ذاته دينيًا حرام وأخلاقيًا ليه مسمى مينفعش نقوله على الهواء إنما ده اللي مودينا في المصايب اللي احنا فيها ومحمد فؤاد من الناس اللي بينالهم من الحب جانب وقولت يا جماعة مش هغني غير لما اتطمن أن البلد بقت كويسة ومش هغني بالعافية مش هغني وأنا مش مبسوط".

اقرأ أيضا: عمرو سلامة يكشف لأول مرة كواليس فيلم «60 جنيه».. فيديو