شاكوش يهاجم العسيلي: «ماعرفلوش أغاني واللي مش هيحترمنا مش هنحترمه»
كتب: نسرين إبراهيم
هاجم حسن شاكوش، الفنان محمود العسيلي، بعد تصريحاته الأخيرة الذي أبدى خلالها تعجبه من اعتلاء مطرب غير مشهور صدارة الأعلى استماعًا بالوطن العربي.
وعلق «شاكوش» خلال لايف عبر حسابه الشخصي بموقع «إنستجرام»، قائلا: "مينفعش نبقى في وش بعض نتكلم بأسلوب، وفي الضهر نتكلم بشكل تاني وبطريقة تانية، أنا مبحبش البني آدم اللى كده، محمود العسيلي جالى كذا حفلة وبنزل الاستيدج وأروح أسلم عليه ده ذوقيًا، وده اللى اتربينا عليه".
وأضاف: "يعني أنت عرفت اسم عصام صاصا ومش عارف أغانيه، مينفعش يكون عصام صاصا تريند وأطلع أقول معرفش بيغني إيه".
وتابع شاكوش: "أقسم بالله مش عشان حاجة أنا مش حافظ أغاني لمحمود العسيلي ولا أعرفها، إحنا الحمدلله والشكر لله مسمعين وموجودين في الوطن العربي، اللى هيحترمنا هنشيله فوق دماغنا، واللى مش هيتحترمنا مش هنحترمه، مينفعش يطلع من بوقي لفظ يضايق أي حد وأنا بيسمعني عائلات وأطفال".
واختتم تصريحاته: "بتقول الراب كمان هينتهي، طب لما الشعبي والراب هينام مين هيبقى موجود، أمال مين هيرقص الناس، إحنا لازم نحترم بعضينا ونقدر بعضينا ونخاف على مشاعر بعض، أنا راجل بغني وفي سوق ووسط النجوم فلازم أكون عارف ده بيغني ايه وبيعمل إيه، عيب إنك تقول عصام صاصا ومش عارف بيغني إيه عصام صاصا؟ بيغني هندي؟ ربنا يهدي الجميع".
اقرأ أيضا: روجينا: أشرف زكي أكبر داعم وسند لي في حياتي
