عمرو مصطفى: قعدت 4 شهور مكتئب في البيت بسبب أغنية «افتكرلك إيه»
كتب: مؤمن نصر
انفعل المطرب والملحن عمرو مصطفى، خلال المؤتمر الصحفي الذي أقيم منذ قليل، لـ جمعية المؤلفين والملحنين، بنقابة الصحفيين، وأبدى استيائه بسبب حقوق الملكية الفكرية على الأغاني في مصر، بجانب الكشف عن إصابته باكتئاب بسبب أغنية «افتكرلك إيه» لكوكب الشرق أم كلثوم.
وقال عمرو مصطفى: «النهاردة احنا بنعيش الموقف، وكلام مصطفى محمود بيتحقق، كل تراثنا دلوقتي للبيع، أنا دلوقتي أغانيا ممنوع تتباع ومبعملش تنازلات لـ حد، وبقالي 4 أو 5 سنين مش هشتغل لحد علشان أعرف الموسيقى دي، وزي ما اتحكمت في عقول الناس وعملت بشرة خير، دي كانت دراسة وعلم».
وأضاف: «جمعية المؤلفين والملحنين لازم تتحكم في المصنفات الفنية اللي بيعمل المؤلف والملحن تصريح ليها، النهاردة لما نيجي نرجع للتاريخ أم كلثوم ليها نسبة».
وتابع: «عملت أغنية لـ أم كلثوم افتكرلك إيه، تخيلت إني كملحن عايز أعمل أغنية لـ أم كلثوم بالذكاء الاصطناعي، فجأة لاقيت هجوم رهيب خلاني قعدت 4 شهور في البيت مكتئب مش مصدق اللي حصل، رغم إن في أغنية تانية فيها إيحاءات جدًا، مسمعتش منتجع طلع اتكلم عنها».
وطالب بضرورة تعديل قانون حقوق الملكية الفكرية، قائلًا: «بس صدقوني الفترة اللي جاية هتشوفوا حاجات تانية وهيكون في شباب جامدة جدًا، بس أتمنى يعملوا قوانين الملكية الفكرية، دي ثروة للبلد والبلد محتاجة فلوس ودولارات، النهاردة الإنتاج الموسيقي بيدخل دولار».
