الرئيس: «هروح من ربنا فين لو قفلت معبر رفح أمام المساعدات لقطاع غزة»
كتب: بسمة فرج
أكد الرئيس عبدالفتاح السيسي، أن الدولة لم تغلق معبر رفح على الإطلاق من أجل منع دخول المساعدات إلى قطاع غزة، قائلا: «بقول الكلام ده، اتقال كلام كتير على إن مصر هي السبب، هقول كلمة صعبة، أنا هروح من ربنا فين؟ّ! ولو أنا السبب فى منع دخول لقمة عيش لغزة، أروح من ربنا فين؟! معبر رفح مفتوح على مدار 24 ساعة، الإجراءات اللى بتم من الجانب الأخر -إسرائيل- علشان نقدر ندخل الحاجة هى السبب، وده شكل من أشكال الضغط اللى بيمارسه الجانب الإسرائيلى على القطاع».
وأضاف الرئيس السيسى، خلال كلمته في حفل عيد الشرطة الـ72: «لا يمكن قفل معبر رفح أمام عبور المساعدات لغزة، ولازم تكونوا متأكدين من كدة، ومش لازم يطلع بيان هيئة الاستعلامات ولا الخارجية والداخلية ولا المخابرات العامة، احنا مش بنعمل كدة».
وتابع: «كل حاجة تهون المهم سلامة مصر، وعاوز أقولكم كل اللى مر وبنعاني منه بفضل الله وهو يسمع ويرى هينتهي إن شاء الله، كل سنة وانتم طيبين، يا رب احفظ بلدنا واحميها واكفيها من فضلك شكرا جزيلا والسلام عليكم ورحمة الله».
