الفنان أسامة الهادي: ينفع يا مصريين نتكلم مع بعض بالعربي؟ اللغة هتتلاشى بسببنا
كتب: بسملة أحمد
نشر الفنان أسامة الهادي بطل الجزء الثاني من مسلسل وبينا معاد بطولة الفنانة شيرين رضا، والفنان صبري فواز، فيديو طريف يعلق على استخدام البعض للغة الإنجليزية في حديثهم.
وشارك أسامة الهادي مقطع فيديو عبر حسابه الرسمي بموقع إنستجرام، وعلق خلاله قائلًا: عايز أقولكم على حاجة مهمة.. ممكن منكلمش بعض بالإنجليزي، لأننا في مصر ولغتنا الأم هي العربية، ودي الحاجة الوحيدة اللي سابوهلنا اللي قبلنا عشان بدورنا نسيبها للي بعدنا، فامينفعش إحنا نكون السبب في إن اللغة تتلاشى.
وطالب الفنان اسامة الهادى بطل مسلسل وبينا ميعاد، بعدم التحدث باللغة الإنجليزية في مصر؛ نظرًا لأننا مصريون ولغتنا الأساسية هي العربية، مشيرًا إلى أن هذه اللغة لها وقع وأثر أقوى من الإنجليزية.
View this post on Instagram
أسامة الهادى متقعوش في فخ الشياكة اللغة الإنجليزية
وتابع أسامة الهادي: مش صح إن معظم الأجيال الجديدة مش عارفة تكتب ولا تقرأ عربي، وبعدين إحنا مش شيكاغو، يعني ليه اتنين يبقوا في حدايق الأهرام وبيتكلموا إنجليزي؟، ومتقعوش في الفخ بتاع إن الإنجليزي أشيك، عايز الشياكة بجد؟ اتكلم عربي، ولما حد يسألك عامل إيه، هترد بالعربي تقول الحمد لله في زحام من النعم، ودي أشيك ووقعها على الودن أقوى، فتعالوا منتكلمش مع بعض بالإنجليزي.
مسلسل وبينا ميعاد
يقال أن أسامة الهادي يشارك في بطولة مسلسل وبينا ميعاد، الذي يعرض حاليًا على شبكة قنوات دي إم سي، وهو من بطولة عدد كبير من الفنانين، أبرزهم الفنانة شيرين رضا، داليا شوقي ، صبري فواز، أميرة أديب، يوسف الكدواني، ، تسنيم مطر، وفاء صادق، بسمة، مدحت صالح، يوسف إبراهيم وآخرين، والعمل من تأليف وإخراج هاني كمال.
