أحمد الفيشاوي: بروح لدكتور نفسي وهذه وصية والدي لي بعد دخولي مجال التمثيل

أكدَّ الفنان أحمد الفيشاوي خلال لقائه ببرنامج "ع المسرح" المذاع علي قناة "الحياة"، أنه يذهب لطبيب نفسي منذ سنوات طويلة، مؤكدا أنه لا يرى أي مشكلة في ذلك.

وقال أحمد الفيشاوي: "أنا بروح لدكتور نفسي من 1997، ولحد دلوقتي بروح له، وبيعالجني علاج نفسي وده مفيهوش مشكلة".

أحمد الفيشاوي عن أزمته التي كانت سببا في علاجه النفسي

وحكى أحمد الفيشاوي، قصة غريبة له مع طبيب نفسي، قائلا: "فيه دكتور نفسي روحت له يومين بعدها مات وكأنه مات مضغوط من الحكايات اللي قولتهاله".

وأضاف الفيشاوي: "لو أنا دلوقتي عند  دكتور نفسي وغمضت عيني عنده هاقول يارب احرق كل الناس اللي بيموتوا أطفال وعواجيز وستات في الشارع وفي بيوتهم ومأثر فيا اللي بيحصل في غزة".

وتابع: "أنا معنديش أزمات شخصية وكنت بشتكي من فرط العصبية والنرفزة والغضب والحمد لله عديت المرحلة دي ومعندناش مشاكل دلوقتي".

أحمد الفيشاوي يكشف عن نصيحة والده بعد دخوله التمثيل

قال الفنان أحمد الفيشاوي:"لما ابتديت أمثل في سنة 2000 أخدت رأي أبويا فاروق الفيشاوي في لعب الشخصية فعلمني وقال لي أي حاجة تقولها لازم تلتزم بالصدق وأنت بتمثل لأنك بتلعب دور مش بتاعك وممكن يكون ضد مبادئك وعقيدتك بس لازم تصدق أنك الشخصية علشان الناس تتفاعل معاك وتحب أفلامك".

اقرأ أيضا: «في ناس مش حابة نكون مع بعض ».. بوسي تكشف حقيقة رجوعها لطليقها هشام ربيع