الاختيار 3.. النص الكامل لتسريب حديث المشير طنطاوي ومرسي قبل إعلان نتيجة انتخابات الرئاسة
كتب: متابعات
شملت الحلقة الثامنة من مسلسل «الاختيار 3» الإعلان عن مفاجأة تتعلق بتسريب للجلسة التي تمت بين المشير محمد حسين طنطاوي، ومحمد مرسي، واللواء عبد الفتاح السيسي، قبل إعلان نتيجة الانتخابات الرئاسية في 2012.
وخلال التسريب قال محمد مرسي: «النتيجة متتغيرش لأن دي إذا حصلت ليس لها من دون الله كاشفة، الموجة اللي جاية موجة إضرام نيران لمن لا يقدر المسئولية، أنا لا أتمنى هذا ولا أريده ولا أوافق عليه.
وقال المشير طنطاوي: «أنا عاوز أقلك لو حصل وجهة ما حاولت تضرم النيران في البلد هتبقى مصيبة على البلد وعلينا».
مرسي: «أيوة صحيح.. ولكن دا شعور شعبي وليس مخططا له».
المشير: «لا في تخطيط معلش».
مرسي: «النقطة التانية انعقاد مجلس الشعب».
طنطاوي: «انعقاد مجلس الشعب مقدرش عليه».
مرسي: «لا حضرتك تقدر تلغي القرار».
المشير: «لا مقدرش ليس من سلطتي ألغي القرار».
مرسي: «ما هو حضرتك اللي أصدرت القرار».
المشير: «مش أنا اللي أصدرت القرار اللي أصدر القرار المحكمة».
مرسي: «استمع إليّ أنا أخوك الصغير.. عشان مجيش بعد يومين تلاتة أربعة نقول أن إحنا ضيعنا فرصة».
المشير: «مقدرش ألغي حكم محكمة».
مرسي: «حكم المحكمة هيطبق في مرحلة لاحقة».
المشير: «يعني إيه؟»
مرسي: «إحنا قدامنا منفذ نلغي القرار.. الحل التاني أن الموضوع محتاج لفتوى وتشريع وناخد وقت منا، ما نقول رأينا».
المشير: «يا محمد بيه أنا في اعتقادي مش أنا بس محدش هيوافق على الكلام دا».
مرسي: «النتيجة إذا تغيرت سيادة المشير سيؤدي هذا إلى حالة من الاضطراب لا نعرف إلى أي مدى ستصل، ومش هتقدروا تمنعوها، أنا أرصد الواقع لحضرتك».
«الاختيار 3» بطولة أحمد عز، كريم عبد العزيز، أحمد السقا، ياسر جلال، خالد الصاوي، عبدالعزيز مخيون، محمود البزاوي، وأمير المصري، من تأليف هاني سرحان، وإخراج بيتر ميمي.
