أكرم حسني: الفلاتر حوالينا طول الوقت وده بيخلينا نفرز الناس اللي فاكرينهم صحابنا
كتب: متابعات
حل الفنان أكرم حسني ضيفا على برنامج ألبوم صور مع إيناس سلامة الشواف عبر محطة راديو إنرجي ٩٢.١ في رمضان.
وقال أكرم حسني إن والده الراحل بمثابة الإضاءة في حياته، موضحا:" أبويا الله يرحمه هو الإضاءة في حياتي ولما بعمل حاجة فرحان بيها كان بيبقى نفسي إنه يكون شايفها".
وعن تقليل عدد المحيطين به تدريجيا، قال: "في فلاتر موجودة حوالينا طول الوقت وده بيخلينا نفرز في الرحلة بنقلل عدد الناس اللي فاكرينهم صحابنا".
ووصف أكرم نفسه بأنه شخص منظم قائلا:" أنا شخص نمطي أوي وبحب التنظيم والتخطيط والترتيب وحياتي مليانة جداول وحسابات.. بس التجربة اثبتت ان في حاجات كتير الصدف فيها أحلى".
كما أشار إلى أهمية الجمهور في طبيعة عمله موضحًا: "رأس مالنا في الشغلانة الجمهور وعيننا على استقبال الناس للشغل عمرنا ما هنقدر نرضي كل الناس".
أما عن حنينه لذكرياته في الطفولة، قال:" عندي حنين غير طبيعي للأبيض والأسود في الحياة وبعيش مع ذكرياتي وأنا طفل وبحب أتفرج على صورنا العائلية.. وفي أوقات بحب الصور الجماعية ويبقى حواليا ناس كتير وأوقات تانية بحب قعدة البيت لوحدي شوية".
اقرأ أيضًا: مدحت شلبي: «مراتي متعرفش أنا أهلاوي ولا زملكاوي»
