مي عمر: لو محمد سامي اتحط في مقارنة مع أي مخرج أكيد هختاره

كشفت الفنانة مي عمر عن حبها لزوجها المخرج محمد سامي، موضحة إذا تم وضعه في أي مقارنة مع مخرج غيره ستختاره على الفور بدون تفكير. 

وقالت عمر: "بحب نيللي كريم اوي وكاملة أبو ذكري خطيرة وأعمالها مميزة وتدخل القلب جدًا ومحمد لو اتحط في مقارنة مع أي مخرج اكيد هختاره".

وعن حبها لشراء ملابس غالية أوضحت: "بحب أجيب ملابس براند كتير ومحمد بيحب يشتريلي وأنا اللي بمنعه وبلاش افورة، المفروض الراجل الطبيعي يكون جنب مراته طول الوقت، ورغم ده مبحبش إنه يجيبلي حاجات كبيرة وغالية، ومن وأنا صغيرة بحب إني اجيب الحاجات الغالية لنفسي، ومش حاطة الحسد في دماغي رغم اني عارفه انه موجود في القران لكن مبحبش ارمي كل حاجة على الحسد واحنا اللي عاملين حاجة غلط، وبرة الناس بتعمل حاجات وبتنزل على السوشيال ميديا ومبتتحسدش اشمعنى يعني".

واستطردت: "ودوري في نعمة تخنت عشانه لأنها ست طبيعية وبتشتغل وبتحب الاكل وتخنت حوالي ٧ كيلو، وكنت مبسوطة بده، والمسلسل اتصور في أماكن حقيقية مش ديكور حتى المقابر، وأنا عندي فوبيا من الاماكن الضيقة والضلمة، فا قالوا هنعمل تيست وهتنزلي، فأول ما نزلت خوفت جدًا وخبطت جامد ومحمد عرض عليا ينزل معايا بس انا خفت جدًا ساعتها".

وجاء ذلك، خلال استضافتها ببرنامج "أسرار" مع الإعلامية أميرة بدر المذاع على قناة النهار.

اقرأ أيضاً: الحلقه ١٦ من مسلسل نعمة الأفوكاتو.. ملخص الأحداث