جميلة عزيز: أنا معتزلتش التمثيل.. وعمر الحجاب ما تعارض مع الفن
كتب: مؤمن نصر
تحدثت الفنانة جميلة عزيز، عن فترة غيابها عن الفن لمدة 5 سنوات، مؤكدة أن الحجاب لم يتعرض مع الفن نهائيًا، بجانب التعليق على خلع بعص الفنانات حجابهن.
وقالت عزيز، في لقائها مع الإعلامية إنجي هشام، في برنامج "المنسي" المذاع عبر شاشة قناة "هي": "اتعرض عليا أدوار في الـ 5 سنين غياب، وطبعًا كان في أدورا متنفعش معايا خالص علشان اتحجبت، وفي أدوار تانية مكنتش تليق بيا في السن لأني مقدرش أعمل أدوار أصغر مني في العشرينات، وأنا مقدرش أفك الحجاب وأمثل وأرجع ألبسه تاني، يعني أدوار الإغراء متنفعش".
وتابعت: "الحجاب متعارضش مع الفن، وفي أفراح إبليس عملت شخصية دكتورة محجبة، وعمر الحجاب ما يتعارض مع التمثيل خالص، ما في أدوار أم وأخت وزوجة محجبة، وأنا معتزلتش الفن، والفن رسالة جميلة وكلنا بنحبها وده حلقة الوصل بينا وبين الجمهور هي أعمالنا".
وعن خلع بعض الفنانات الحجاب، فعلقت: "دي وجهة نظر وهما أحرار وشايفين أن ده ميسيئش ليهم، وأنا من وجهة نظري أني ممكن أمثل بالحجاب حتى لو أدواري قليلة، لكن أفك الحجاب ليه ده عهد بيني وبين ربنا أن ربنا أنقذني وكتبلي حياة جديدة، أول ما أخف أفك الحجاب؟ مينفعش ده عهد بيني وبين ربنا".
اقرأ أيضاً: جميلة عزيز: بشتغل مدرسة فرنساوي.. وكنت برشح فنانات لأعمال وهما مرشحونيش
