أمير مرتضى: أنا وحازم إمام مفيش مقارنة بيننا وكان قدوتي زمان
كتب: مؤمن نصر
علق أمير مرتضى، المشرف السابق على الكرة بنادي الزمالك، على تصريحات ميدو الأخيرة بأنه سيكون أصغر رئيس للزمالك، قائلًا: "ميدو يبقى أصغر رئيس لنادي الزمالك لو انا مقررتش اكون أصغر رئيس للنادي، لأني أصغر منه وهسبقه، مش حبًا في السلطة اني عايز ابقى رئيس للزمالك، لكني عايز أعمل اسطورة، عايز لما امشي الناس تقول ده كويس وعمل حاجة، وانا حالياً مش عايز، وعندي القدرة لكن معنديش الرغبة وهرشح نفسي في يوم من الأيام بشرط لو ميدو نزل الانتخابات".
أمير مرتضى: مش مبسوط من تجربتي في العمل العام
وقال أمير مرتضى، خلال استضافته ببرنامج "أسرار" مع الإعلامية أميرة بدر المذاع على قناة النهار: "عشان مبقاش بقول اي كلام بهزار، بس تجربتي في العمل العام، مش مبسوط منها ولا من الأجواء ولا العلاقات، مش عايز ابقى كومبارس، يا ابقى موجود يا اتفرج على الزمالك من البيت، وميدو مش عضو في نادي الزمالك حاليًا اصلا، بس ممكن يعملها أي وقت، ولو نزل انا اللى هكسب لأنه عشوائي ومتهور وأعرف أوقعه، لكن هو من الناس اللي اشتغل معاه، واشتغل أي حاجة معاه، اما بيني وبين حازم إمام فا مفيش مقارنة بيننا، لانه حاجة كبيرة ليا وبحبه جدًا وكان قدوتي زمان، لكن عايز دايرة حواليه ويشتغل على نفسه، ولو رئيس فالازم معاه نائب قوي".
كما علق أمير مرتضى، المشرف السابق على الكرة بنادي الزمالك، على غرور والده، قائلًا: "المستشار مرتضى منصور مش مغرور، ولو مشيتي في جامعة الدول بالليل هتلاقيه ماشي لوحده من غير سواق وبيشتري الجرايد بنفسه وبيدخل السوبر ماركت، واللي بيحميه ربنا، هو فيه واحد حد بيحميه هيتحبس كل سنتين مرة، في اخر 10 سنين اتحبس 4 مرات، لما بيبقى في الحبس بيبقى قوي جدًا، بروح له في كامل أناقته وطاقته وبيتعامل أنها استراحة محارب، زرته في سجون كتير زي المزرعة وطرة ووادي النطرون".
وقال: "والدي دايمًا بيتعامل إنها محنة وبيقول دايمًا متقلقوش انا مظلوم ومش داخل في حاجة مخلة، وهو فعلًا مظلوم لان في واحد ضرب واحد على الهوا وطلع بعدها بيوم على الهوا عادي، زي مانا بيتقال عليا عندي كتائب الكترونية، هو انا لو عندي ده هيبقى فيه صفحات بتقول عليا بتاع عمولات ومخدرات، ده كان ناقص يتقال عليا بوأد بنات أو المسيخ الدجال مثلًا، ومعنديش غرور بس بتجيلي لحظة سيطرة، بقى عندي وعي بالمرحلة الي انا فيها، وبخلي بالي من كل قرار، وكان عندي مشكلة اني بعد 10 سنين اشوف نفسي في انترفيو ماندمش".
اقرأ أيضاً: أمير مرتضى: أيمن عباس بيتجهز لـ رئاسة الزمالك.. وكنا هننزل درجة تانية في فترة رئاسة والده
