بعد طلاقهما.. هشام عاشور: نيللي كريم هتفضل حبيبتي

تحدث الفنان ولاعب الاسكواش العالمي هشام عاشور، عن علاقته بالفنانة نيللي كريم بعد الانفصال الرسمي منذ أيام، قائلا: «كلمة طليقتي أنا مش حاسس إن إحنا بعدنا عن بعض وليها كل الاحترام والتقدير وهتفضل حبيبتي طول عمرها، عشان العشرة اللي بينا إحنا ما سيبناش بعض بسبب كارثة».

وقال هشام عاشور، في تصريحات تليفزيونية: «إحنا قررنا ناخد طريق مختلف لكن هنفضل أصدقاء وده كلام مفروغ منه، ومش كل الناس اللي بتطلق الحب بينتهي، في حاجات ممكن تكون اختفت والناس بيكون لسه بينهم معزة كبيرة عند بعض، للكن مش لازم إن كل اتنين بيطلقوا يبقوا كرهوا بعض ومش عايزين يشوفوا بعض، لكن بيحصل تقصير في بعض الأمور وكان واضح أننا هنوصل لطريق الانفصال».

وتابع: أبناء نيللي كريم ليسوا السبب في الطلاق، وده كلام غير حقيقي، الولدين أصدقائي والبنات أيضًا، شائعات كثيرة مش هقول من صحفي؛ لأنه بيبقى عنده أمانة مهنة، لكن دول ممكن يبقوا من الشباب اللي بتروح الجنازات، ويصورا ويقولو أي كلام عشان يعملوا مشاهدات.