«مضاعفات بسبب تأخير إجراء عملية».. آخر تطورات الحالة الصحية لـ تامر فرج

كشف الفنان تامر فرج، عن آخر تطورات حالته الصحية بعد تعرضه لوعكة صحية، قائلا: «مبحبش صور المستشفيات أو أني انشر حاجة عن حالتي الصحية بس حابب أشكر كل الناس الجميلة اللي قلقت عليا وأشكر كل الصحفيين اللي اتصلوا يسألوا عني».

وأضاف تامر فرج، عبر منشور له على صفحته على انستجرام: «حابب أطمن الجميع إن شاء الله حاجة بسيطة، أنا كنت محتاج أعمل عملية المرارة من قبل العيد لكن للأسف كنت بستهون وبأجل لغاية لما أخلص الشغل والمواعيد اللي ورايا ولغاية لما يجيلي فلوس».

وتابع: «بس حصل مضاعفات بسبب التأخير وهضطر استنى غصب عني حوالي أسبوعين أعالج اللي حصل وبعدين إن شاء الله أعمل عملية إزالة المرارة وهي عملية بسيطة إن شاء الله.. أشكركم جداً على اهتمامكم وأسف على قلقكم وأطمح في دعواتكم».