بوسي: في حاجات أسوأ من الجواز.. واحنا شعب بيموت في الدراما

أعربت المطربة يوسي عن سعادتها بتصدرها الترند عقب أغنيتها الأخيرة من مسلسل "أعلى نسبة مشاهدة"، مشيرة إلى أنها فوجئت بنجاح المسلسل والأغنية.

قالت بوسي خلال لقائها مع برنامج عرب وود:' مكنتش متوقعة أن الأغنية هتطلع ترند لأنها أغنية دراما وكئيبة بس احنا شعب بيموت في الدراما أساسا، الأغنية اتعملت على قصة المسلسل لأنه كان بيحكي عن البنت اللي الظروف خدتها في سكة السوشيال ميديا وبعدين اترمت على جوازة غصب عنها فهي كان ليها سيناريو خاص بيها.

أضافت: "البنات خدتها على تجاربها في الحياة والجواز بس في حاجات كتير في الحياة أسوأ بكتير من الجواز، يعني أحيانا في حاجات ممكن تتعرضي ليها أسوا من الجواز وتاخديها على الأغنية دي".