مها أحمد: مش حاسيب تيك توك طالما بيجبلي فلوس.. ونفسي شيخة من بره تشوفني وتشغلني عندها
كتب: سماح غنيم
بعد انتقادات واسعة طالت الفنانة مها أحمد، خلال الأيام الماضية، بسبب ظهورها على منصة تيك توك، وكسبها أموال منها، قررت الرد على منتقديها من خلال فيديو عبر تيك توك.
وقالت مها: بسف على السفافين، وبتمزج وبحب أطلعهم على المسرح، وشغلي على التيك توك وعلى أي برنامج مش هسيبه طول ما فيه فلوس.
وأضافت: مش هينفع أتعالج على نفقة الدولة مع إني فنانة، ومن حقي لكن لو ده حصل هتتنمروا وتقولوا بتاخد دوا الغلابة لكن أنا عايزه أعالج نفسي بنفسي، وأعمل علاقات مع الناس الجامدة والداعمين الجامدين بره.
وتابعت: يمكن أسافر أشتغل بره ويمكن شيخة تشوفني وتشغلني عندها ليه لأ، أنا عندي طموح اشتغل عند الناس بره مش هنا، علشان أنتم متنمرين، ومش هتقولوا دي ست بمية راجل بتشتغل وتكسب.
وأكملت: أنا هتفسح وهدلع وهكيدكم وأنا قاعدة وأي مكان فيه شغل وفلوس أنا قاعدة، مش حاسيب التيك توك طالما بيجبلي فلوس.
