جوري بكر: في ناس بتكرهني من غير ما أعملهم حاجه علشان أنا أحلى منهم
كتب: مؤمن نصر
قالت الفنانة جوري بكر، أن شخصية سوسن المحامية الشريرة التي تقدمها في مسلسل "برغم القانون"، موجودة في حياتها الشخصية وقابلتها في بداية مشوارها الفني، وكانت ترفض مساعدتها دون وجود أي خلاف حدث بينهم.
وتابعت جوري بكر، خلال مداخلة هاتفية في برنامج "تفاصيل"، مع الإعلامية نهال طايل، والذي يعرض عبر فضائية "صدى البلد 2": "شخصية سوسن قابلتها في حياتي أول ما بدأت في الوسط الفني لما كنت بتعرف على ناس علشان أمثل وكنت بقابل ناس مش بتحبني وكارهيني ناس أنانيه، وكنت دايماً بسأل نفسي هي الشخصية دي بتكرهني ليه، بتأذيني ليه في شغلي والشخصية دي شوفتها كانت إزاي بتتعامل معايا، وشوفت قد إيه هي سوده وغلاوية ووحشة لمجرد أنها شايفة اني أنا أحسن منها والناس مبقتش زي الأول وبقت أنانيه وبتوع مصلحتهم وكل يوم بنقابلهم في حياتنا وشخصية سوسن موجودة في كل مكان".
وأشارت جوري بكر، إلى أنها تتمنى أن يراها المخرجين كممثلة وليست كـ سيدة جميلة الملامح والجسد، لأن في البداية ما يعرض عليها كان عبارة عن أدوار تتطلب فتاة ممشوقة القوام أو جميلة الملامح، ولكنها لا تحب أن يحصرها المخرجين في تلك الأدوار.
وتحدثت جوري بكر عن الفنانات التي تحب أعمالهم، قائلة غادة عبد الرازق، يسرا، نيللي كريم، هند صبري، ومني زكي مفيش دور عملته إلا ما أثرت فينا كلنا وبحس أنها مش بتمثل بل بالعكس هي بتناقش قضايا مهمة.
اقرأ أيضاً: جوري بكر: إيمان العاصي طول الوقت مركزة وعامله زي الأطفال الصغيرين في اللوكيشن
