القصة الكاملة لأزمة فيلا إيهاب توفيق.. شاهد عيان: الفنان ماباعش الهوا وصاحبي أخل باتفاقهما

عرض الفنان إيهاب توفيق فيديو لشهادة عبده الجيوشي، صاحب شركة عقارات، بشأن مشكلة الفنان مع رجل الأعمال م. م بشأن التنازع على فيلا.

وعلق إيهاب توفيق على الفيديو قائلا: شكرا للأستاذ عبده الجيوشي على التوضيح، الشاهد الصادق الوحيد اللي شاف وسمع الاتفاق مع رجل الأعمال النصاب، سوف يتم أخذ جميع الإجراءات القانونية ضد رجل الأعمال النصاب.

وقال عبده الجيوشي في الفيديو: اتقال إن إيهاب توفيق نصب على واحد وباعله الهوا وأنا شاهد عيان أمام الجميع إيهاب توفيق من 10 سنين كان عنده فيلا في مكان ما وقال لي أنا عاوز أبيع الفيلا دي واشتغلت عليها انا وواحد صاحبي اسمه  م. م. 

وأضاف: روحناله الشركة وعملنا معاه الديل واتفاجئنا لما رحنا الأستاذ م. م بيتكلم في خصم 500 ألف جنيه من ثمن الفيلا إيهاب توفيق قال له الناس بتخصم 50 ألف 100 ألف مش 500 ألف فصاحبي قال له أنا هعمل معاك ديل أنا راجل بتاع بيزنس إحنا هنخصم ال 500 ألف وأنا هدخلك معايا هبيع الفيلا والمكسب اللي هيجي منها هنقسمه بالنص.

وتابع: إيهاب توفيق وافق واللي كتب العقد وفي الشهر العقاري وجاب العقود وعمل كل حاجة هو م.م وراح لإيهاب توفيق البيت ومضوا على العقود والشهر العقاري وخلصوا البيع كل الكلام اللي كان بيتقال غلط لو حد ليه حق هو إيهاب توفيق وأستاذ م م هو اللي ما التزمش بالكلام ولو الفيلا اتباعت المفروض إيهاب توفيق له نص المكسب.

وكانت نشرت إحدى الصفحات التابعة لشركة عقارية استغاثة تتهم فيها الفنان إيهاب توفيق ببيع الوهم والهواء حسب تعبير الشركة، بسبب فيلا كان يمتلكها.

https://www.facebook.com/share/r/HwzVknoF1cgzdfGh/https://www.facebook.com/share/r/HwzVknoF1cgzdfGh/