سلوى عثمان: اتظلمت وأنا صغيرة بسبب زيادة وزني

أكدت الفنانة سلوى عثمان أنها تعرضت للظلم وهى صغيرة بسبب زيادة وزنها مما جعلها تخضع لرجيم قاس.

وحكت سلوى عثمان خلال لقائها في برنامج "مع خيري" مع الإعلامي خيري رمضان عبر قناة "المحور" أنها في بداياتها الفنية كانت تقدم أدوار أكبر من عمرها الحقيقي بسبب زيادة وزنها.

وأضافت سلوى عثمان: "أنا كنت عايزة اشتغل وأتواجد لكن أنا اتظلمت وأنا صغيرة كانوا الأول يقولولي إنتي مليانة فبيدوني أدوار أكبر من سني، فعملت ريجيم البيض قعدت 3 شهور أكل بيض مسلوق وعمري ما هعملها تاني، بس خسيت حوالي 12 أو 13 كيلو".

وتابعت سلوى عثمان: "لقيت رد الفعل غريبة جدا، ناس قالولي إنتي عيانة عندك سكر، وواحدة قالتلي إنتي تخنتي كده ليه وأنا نازله 12 كيلو، واحدة تانية ومش هذكر أسماء ممثلات قالتلي برافو عليكي خسيتي 3 كيلو حلوين".

وأكملت سلوى عثمان: "في الأول كلمة "تخينة" كانت بتضايقني لكن دلوقتي مبقاش بيهمني، أنا سمعت كتير حاجات تضايقني وكتير كنت بعيط، ودلوقتي أنا بقدم دور أم فبقيت متصالحة مع نفسي في الموضوع دا مش بتضايق".

يذكر أن سلوى عثمان عرض لها مؤخرا مسلسل "الوصفة السحرية".

ومسلسل "الوصفة السحرية" شيري عادل، بسمة داود، إسلام جمال، عمر الشناوي، كارولين عزمي، هيدي كرم، لقاء سويدان، سلوى محمد علي، وليد عبدالغني، رانيا منصور، محمد أبو داوود، عماد رشاد، سلوى عثمان، والعمل من تأليف مصنع الحكايات لمؤسسها هاني سرحان، وفكرة مي سعيد، وإشراف على الكتابة دعاء عبدالوهاب، وسيناريو وحوار منة فوزي وإيرين يوسف ومي سعيد وإخراج خيري سالم.