«الأتوبيس نزل من 500 متر فوق سطح البحر».. ناج من حادث الجلالة يكشف تفاصيل مأساوية

كشف أحد الطلاب الناجين من حادث أتوبيس طلاب كلية الطب بجامعة الجلالة، عن تفاصيل مأساوية بشأن الحادث.

وقال الطالب، إنه لا يعرف الجهة المسؤولة عن الحادث بالضبط، متابعًا: «هل هي بورتو أم جامعة الجلالة أم شركة الأتوبيس؟! المفروض أناشد جهة من الثلاث، لكن الثلاث جهات أخلوا مسؤوليتهم عن الحادث، أنا عايز مؤسسة مسؤولة عن الحادث مش مجرد فرد».

إهمال وتقصير

وأوضح أن جامعة الجلالة تقع فوق سطح البحر بنحو 500 متر، متابعًا: «لما أتوبيس كبير يطلع الطلعة دي أو ينزل النزلة دي، فده في حد ذاته إهمال وتقصير، أي تكن الجهة».

وأضاف: «وزن الأتوبيس بالطلاب 20 طنا، ونازل من 500 متر فوق سطح البحر، وكمان في دوران في النزلة، فطبيعي لما أدوس فرامل أكيد التيل يتقطع».

وتابع، خلال مداخلة هاتفية ببرنامج «حضرة المواطن»، عبر قناة «الحدث اليوم»: «أتوبيس زي ده يطلع الطلعة دي في حد ذاته غلط، أتوبيسات الهاي إس كانت بتطلع بينا السنة اللي فاتت، 4 أو 5 شركات، لكن السنة دي بقينا بنطلع بشركة واحدة، والشركات التانية خلاص قفلوا، معرفش ليه؟!».

وأكمل: «إحنا بقالنا 5 سنين في جامعة الجلالة محصلش حوادث قبل كده، إلا لما قرر حد يشيل عملية نقل الطلبة بالكامل، ليه اتعاملتوا معانا على إننا جنيه ماشي على الأرض، وسمسرة، مش أرواح بنى آدمين، أنا مش بخص جهة مسؤولة، أنا عايز أعرف مين اللي اتعامل معانا على إننا جنيه ماشي على الأرض».