خلال ظهورها بالحجاب في برنامج ديني.. أسماء جلال تحكي كيف خسرت والدها بسبب التشدد فى الدين (فيديو)

خلال الساعات الماضية، انتشر مقطع فيديو للفنانة الشابة أسماء جلال، عبر مواقع التواصل الاجتماعي، تروي خلاله كيف خسرت والدها بسبب التشدد في الدين.. فما قصة هذا الفيديو؟.

برنامج "فن الحياة" للداعية مصطفى حسني

مقطع الفيديو المتداول لـ "أسماء جلال"، كان إحدى فقرات برنامج ديني للداعية مصطفى حسني بعنوان "فن الحياة"، البرنامج كان يعرض منذ 8 خلال شهر رمضان.

أسماء جلال تروي قصتها مع والدها

وظهرت أسماء جلال، وهي تروي قصتها مع والدها الذي خسرته بسبب تشددها دينيا، قائلة: "أنا اسمي أسماء عندي ٢١ سنة، من وأنا صغيرة وأنا في النص في كل حاجة يعني مش فاشلة لكن مش شاطرة، مش شقية بس مش هادية، ويعني مكنتش ملتزمة دينيا أوي، لما دخلت الجامعة اتعرفت على مجموعة في الكلية حببتني في طريق ربنا اعتبروني أخت ليهم وشجعوني على الالتزام".

وتابعت: " في الأول بصراحة كنت حاسة إنهم متشددين بزيادة، لما قعدت معاهم أكتر فهموني إني طريق ربنا صعب وإنه الجنة مش بالساهل، وفهموني العلوم الشرعية والحلال والحرام، فلما اعتبروني واحدة منهم بدأوا ينصحوني إني لازم أنشر الحق، لازم أدعو الناس لطريق ربنا وكان طبيعي إني أول الناس أبدأ بيهم هما أهلي".

وأضافت أسماء جلال: " أنا والدي موظف في البنك فهم كانوا مفهميني إني الفلوس اللي هو بياخدها دي حرام وربا ومش بس كده، بابا كان مدخن شره جدا فهو مش بس بياخد فلوسه من حرام هو بيصرفها في الحرام، لما قعدت معاه عشان أقوله إني آخرة اللي هو بيعمله ده جهنم ولعياذ بالله، اتخانق معايا وقالي على فكرة أنا مش مستنيكي تعرفيني ربنا، أنا أعرف ربنا أكتر منك".

وأكملت: " لما كنا بنتكلم في العلوم الشرعية مكنتش بعرف أقنعه؛ لأنه هو كان من النوع اللي بيقرأ كتير جدا وعنده معلومات كتير في كل حاجة، وبصراحة هو ياما حاول يحببني في القراءة بس أنا كنت ملولة جدا مبقدرش أقعد عالكتاب، حتى ساءت الأمور بينا وقطعنا بعض، أمي حاولت تصلح الأمور ما بينا بس أنا هاجمتها وقولتلها ما أنت زيه وهتونسيه في نار جهنم لأنها مش راضية تظبط حجابها".

وتابعت باكية: "أنا بس كنت خايفة عليهم، لحد ما في مرة احتديت على أبوية جامد وقولتله إنه عامل زي أبو سيدنا إبراهيم، غضب وثار وقالي أنت كمان هتكفريني ولأنه مريض بالقلب مستحملش ووقع وبعد ٣ أيام بالظبط مات، أمي قاطعتني ومنعتني أحضر العزا والجنازة، أما أنا كنت زعلانة على أبوية اللي بحبه إنه يكون مات على معصية في الآخر".

وأوضحت: "ابتديت أقرأ زي ما بابا كان بيعمل وروحت لعلماء ربنا إداهم العلم والطريقة اللي يوصلوا بيها العلم للناس اللي زيي، علماء يا ما زمايلي حذروني  قبل كده إني مرحلهمش، واكتشفت إني كل اللي كنت بعمله كان غلط ومبني على جهل، عمر أبدا ما الدعوة لربنا كانت بالعقوق والقسوة اللي أنا فيها، ربنا عمره ما يرضى أبدا على اللي أنا بعمله ده".

واختتمت أسماء جلال: "ابتديت أبر أبوية حتى بعد ما مات، يعني أينعم أمي سامحتني وعلاقتنا الحمدلله بقت كويسه، بس أنا ديما عندي إحساس بندم إني أبوية مات وهو زعلان مني".

 مشهد تمثيلي

قد تكون قصة أسماء جلال مع والدها خلال البرنامج، مجرد مشهد تمثيلي، ليس له علاقة بحياتها الشخصية، حيث إن هذه الفكرة ظهرت من قبل في برنامج ديني آخر للداعية معز مسعود، بعنوان "خطوات الشيطان"، حيث ظهرت الفنانة ياسمين صبري بالحجاب خلال قصة عرضت ضمن حلقات البرنامج".