«بلاش تقول رأيك اللي ملوش لازمة».. «تووليت» يهاجم رامي صبري

وجه  مغني الراب "تووليت" الذي اشتهر بإخفاء ملامح وجهه بارتداء قناع، رسالة هجوم غامضة إلى أحد النجوم، مطالبا إياه بالتركيز على الموسيقى بدلا من الحديث على الأخرين.

وكتب "توليت"، عبر خاصية استوري على صفحة الشخصية بـ"انستجرام"، قائلا : «جرب تركز في المزيكا أكتر وبلاش تقول رأيك اللي ملوش لازمة»، مضيفا: «بالذات لو في حد ناجح أكتر منك وأصغر منك سنا» واختتم رسالته قائلا : «خليك قدوة وشجع الناس يا حبوب».

وجاءت رسالة "تووليت" الغامضة، تزامنا مع تصريحات الفنان رامي صبري التي هاجم فيها "تووليت"، واعتبره مستوحي فكرة إخفاء وجهه من الجماعة الإرهابية داعش.

تصريحات رامي صبري عن "تووليت"

وكان رامي صبري أثار جدلا كبيرا من خلال تصريحاته عن تووليت في أحد البرامج التلفزيونية، وقال: "معرفش توليت ليه يستحق إنه يتصدر التريند ويكون رقم واحد، ومحدش يعرف هو مين، والأغاني اللى من النوع ده والرابر ده حته تانية غيرنا، وتوليت طلع خبي نفسه زي بتوع داعش، فأصبح مثير للجدل والناس عايزة تعرف مين ده".