حسناء سيف الدين: يا ريتك يا تيته خليتي ماما تمثل
كتب: حسام محمود
فى تلميح منها لدور الواساطة فى الحصول على الفرص الفنية الكبيرة خاصة مجاملات القرابة وما تلعبه من دور في تقصير مشوار النجاح بالنسبة للفنان
كشفت الفنانة حسناء سيف الدين على حسابها الشخصى عالفيس بوك قائلة: «انا عايزة اعترف إني زعلانة من ماما جدًا ومش مسامحاها»
وأوضحت الفنانة عبر البوست مقصدها حيث أكملت: «لما ماما كانت صغيرة وهي حلوة وقمر كان في مخرجين كتير جدًا بيروحلها يطلبوا منها إنها تمثل وكذا مخرج من الأسماء الكبيرة راح لجدتي علشان يقنعها وتيته وماما كانو بيرفضوا عشان الجامعة أهم»
وأكملت: «مرة تيتة وافقت وراحت ماما ماسبيرو في مسلسل لصفاء أبو السعود بس طبعًا عشان التصوير بياخد وقت طويل ماما روحت البيت متأخر جدًا فتيته حلفت إنها مش هتروح تاني»
وأضافت: «يعني لو ماما طلعت فنانة كبيرة مش كان زماني انا دلوقتي بقيت نجمة وبعمل بطولة مسلسلات وأفلام ومن غير أي مجهود... بدل كل المجهود والتعب اللي بعمله عشان أحقق حلمي.. يا ريتك يا تيتة خليتها تكمل... كان زماني بقيت نجمة وأولادي كمان نجوم ونبقى ضمنا حاجة تتوارثها الأجيال.. عمري ما هسامحكم»
