«بيتعاملوا بنرجسية».. أول تعليق من كزبرة على سخرية محمد رمضان منه

رد مطرب المهرجانات أحمد بحر الشير بـ«كزبرة»، على تصريحات الفنان محمد رمضان بشأن حقيقة وجود خلاف بينهما، إذ قال محمد رمضان خلال حضوره منتدى السينما والتغير المناخي، عن سر الخلاف بينه هو وكزبرة قائلا: «لا بقى بلاش السؤال ده، احنا في مكتبة مش في محل عطارة».

كزبرة  يرد على محمد رمضان

وكتب كزبرة من خلال «ستوري» على «انستجرام»: «أول حاجة الحمد لله على نعمة ربنا عليا، وحبكم ورسائلكم الجميلة اللي بتوصلني، ورد الفعل الجميل منكم على فيلم الحريفة 2، كلام كتير نفسي أقوله وأعبر بيه ليكم».

وأضافت: «والله يجماعة الكلام ده نفسي أقوله من بدري بس حاسس أن ده وقته، أنا مش عارف ليه كل لما أنجح في ناس بتحاول تتطلع صورتي وحشة، أنا بجد نفسيا مبقتش قادر وبقالي فترة كبيرة كل لما أعمل حاجة حلوة، مبقتش عارف أتبسط بيها ونفسيا مش أحسن حاجة».

وتابع: «ربنا اللي عالم الواحد كل اللي يهمه إنه يقدم حاجة تعجبكم وتسعدكم، بس في ناس بتتعامل مع اللي بيقدم حاجة كوميدية على أساس إنه شخص تافه مش موهوب، والواحد عشان بيتعامل بطبيعته ومش بيتصنع بتحاولوا تشوفوا ازاي تطلعوا في عيب قدام جمهوره واخواته إلى بيحبيوه، زي أن يتنسبلي كلام مقلتهوش أو يتقلل مني بحاجات قديمة عملتها».

واستطرد :«أحيانا الكلام عليا بيوصل للتريقة على اسمي بمجرد ما يعمل حاجة حلوة وتعجبهم ،أنا مش عارف ليه وده السبب إلى ببيخلي إنسان طيب أول ما ينجح يتحول لإنسان عنده نقص وعنده حرب مع كل اللى حوليه، زي ناس كتير نجحت وبقوا يتعاملوا بنرجسية عشان يعرفوا يتعاملوا مع الواقع، فأنا يجماعة مش عايز أوصل للمرحلة دي».

واختتم: «أنا عايز أبقى إنسان طيب وفحالي واشتغل على نفسي واقدملكم فن يعجبكم ويبسطكم، هو ده هدفي فبلاش تتعاملوا مع الواحد باسلوب هو مش حبه، وشكرا لكل واحد بيدعمني من قلبه واي حد بيحب اللي بقدمه أو حتى بينتقده بأسلوب كويس انتم اللي تهموني».