تامر عاشور: بعرف أتبسط مع زوجتي وبناتي في أي ظروف.. وبحب المشي جدا

كشف الفنان تامر عاشور، عن كيف يقضي وقته بعيدا عن العمل، وبعض تفاصيل حياته الخاصة.

وقال تامر عاشور، في تصريحات له لبرنامج "أجمد 7" مع جيهان عبد الله على نجوم إف إم: "بركز في السوشيال ميديا عندي على أعمالي الفنية، ومفيش حاجات شخصية كتيرة، حتى أصحابي القريبين مني مش بيحبوا أنزل حاجة على السوشيال ميديا".

وعن كيف يقضي يومه بعيدا عن العمل، قال: "يومي اللي مفيهوش حفلة ولا استديو، أخد زوجتي وبناتي ونخرج، مأمن مكانين تلاته، وبنعرف نببسط مع بعض في أي ظروف، ممكن نخرج نمشي بالعربية ساعة ساعتين ونرجع تاني على البيت احنا كده غيرنا جو، وأو نعقد في البيت نشوي مع أصحابنا، أو أروح أقعد ألعب بلاستيشن مع أصحابي وبحب الرياضة الجيم والمشي بحب أمشي بشكل غير طبيعي وبلبس ماسك وكاب".

وأضاف: "صعب أقفل تليفوني، لكن ممكن أفصل بإنني أسافر بره مصر أقضي كام يوم في إسبانيا أو أوروبا، أنا بحب شغلي جدا، وهو كمان شغل مسلي رغم الالتزمات".

وعن علاقته بالأكل، قال: "أنا مش أكيل أوي، لكن بستمتع بالأكل جدا بس مش لدرجة إن أروح لأكلة معينة في مكان معين".