بسنت شوقي: الستات بتصرف على البيوت أكتر من الرجالة وكان نفسي أبقى راجل

تحدثت الفنانة بسنت شوقي، عن المسؤوليات والأعباء التي تتحملها النساء حول العالم في العلاقات والبيوت، بقدر أكبر من الرجال.

وقالت بسنت شوقي خلال لقائها مع الإعلامي حسام المراغي في بودكاست "دوبامين": "أنا بحب أنوثتي جدا، لكن في حاجة في العالم كله اسمها الضغط الفكري، والستات شايلة العبء الأكبر منه في العلاقات والبيوت".

وأضافت بسنت شوقي: "في تفاصيل كتير، العيال عندهم تمرين كذا، فلازم أطبخ لهم كذا، ولازم العيال تنام كذا، التفاصيل دي بتملا الدماغ وتعمل ضغط معين، والرجالة في علاقات كتيرة مش بيشيلوا الجزء ده من الضغط".

وتابعت: "الرجالة بتشتغل والستات بتشتغل، وإحنا في مصر في مجتمع متفق عليه إن الستات بتصرف على البيوت أكتر من الرجالة".

وأشارت بسنت شوقي إلى أن كل بيت له ظروفه الخاصة قائلة: "دي حاجة خاصة بكل بيت، ممكن نتفق إن الست تشارك الراجل، كل بيت له ظروفه وطموحاته".

واختتمت بسنت شوقي قائلة: "بسبب الضغط الفكري ده أوقات بقول نفسي أبقى راجل، أروح الشغل وأرجع أروح أهزر مع أصحابي".