"يارب امتى اللقاء".. كلمات مؤثرة من نشوى مصطفى لزوجها الراحل

لا تزال الفنانة نشوى مصطفى، تعيش حالة من الحزن على فقدان زوجها في ديسمبر الماضي، والذي ظهر من خلال كلماتها المؤثرة في منشورها الأخير.

ونشرت نشوى مصطفى صورة لزوجها الراحل عبر “فيسبوك”، وعلقت عليها: “الله يرحمك ويسعدك ويراضيك يا نور عينيه، عارف يا عماد امبارح، أخويا بيقولي إنتي كنتي مهمومة وبتراعي وواخدة بالك مننا كلنا، وأبيه عماد هو الوحيد اللي كان مهموم وواخد باله منك، وبيراعيكي ومهتم بيكي، يا عماد إنت كنت رزقي الكبير، ورزقي انقطع، إنت كنت سندي وضهري وستري”.

وتابعت مصطفى: “إنت كنت اطمئنان قلبي، إنت كنت سري، كنت باجري عليك اشتكي لك وتصبرني، اسألك وتفهمني، كنت أبويا ودلوقتي أنا اتيتمت، مش هاكذب عليك أنا بمثل إني عايشة، قلبي مغروس فيه خنجر وروحي مصلوبة فوق محرقة نار فراقك بتزيد كل ما الوقت بيعدي مش بتقل”.

الدعاء بالصبر

واستكملت نشوى مصطفى: "خدعتني ومشيت بسرعة.. بينا كلام لسه مخلصش.. بينا أحلام لولادنا وأحفادنا لسه مااتحققتش.. إنت موجود قدام عينيه طول الوقت وصوتك في وداني.. ادعى لي يا حبيبى.. يا رب امتى اللقا،

اللي بيحب ربنا يدعي لحبيبي بالرحمة ويدعى لي بالصبر ويدعي لولادي بالصبر والثبات".

وأعلنت الفنانة نشوى مصطفى، وفاة زوجها محمد عماد يوم 28 ديسمبر الماضي، مشيرة إلى أن صلاة الجنازة وتشييع الجثمان تمت من مسجد حسن الشربتلي بمنطقة التجمع، وطالبت جمهورها ومحبيها بالدعاء له بالرحمة والمغفرة.