مجدي الهواري ينتقد مسلسلات رمضان: "في أعمال زي الزفت وأصحابها بتفكر في التريند"

قرر المخرج مجدي الهواري، الخروج عن صمته، وإبداء رأيه في مسلسلات رمضان 2025، رغم حرصه الشديد على عدم التعليق تقديرا لزملائه.

وقال مجدي الهواري: "في شغلاتنا اتعلمنا إننا نقول الحلو في الزملاء ولما يعملوا حاجة وحشة متتقلش في العلن، يعني تسكت وتعمل مشفتش ولما تتزنق قول مشفتش وده علشان الزمالة واحد وعلشان بكره انت ممكن تبقي في مكانه، بخلاف انك هتلف تلف وتيجي في وشك! لانه في الشغلانة وكمان انت مش محلل ولا ناق".

وتابع: "انت صانع فاخلع رأيك ده وخليه لنفسك ولو سألك اللي مهبب عنه في حاجة ده ابقي قوله في وشه زبالة، بس بلاش في الميديا طيب النهارده أنا هعمل كده رغم ان كل الناس ما شا الله بقيت نقاد ومحللين حتي والله اللي عمره مادخل بلاتوه بقي فتي بس".

وأضاف: "بس أنا هتكلم عن كل مسلسل أعطيت له فرصة السنة اللي فاتت إنه يراجع نفسه ويعمل حاجة السنة ديه كويسة ولم يحدث للأسف.. فانا قررت اقوله انت زي الزفت وبتفكر في الريند أهم من السيناريو المسلسل بتاعكً! بس.. وهقول كمان علي الحلو واللي كنت متوقع انو حلو واللي فاجأني بالعكس.. بس هبدأ بالحلو علشان مقفلش الموسم"