الرئيس السيسي: ننظر بإيجابية لتنمية إثيوبيا.. ولكن ليس على حساب مياه النيل
كتب: أحمد حسني
التقى اليوم الرئيس عبد الفتاح السيسي، مع الصحفيين الأجانب على هامش منتدى شباب العالم وأكد أن التعاون في قضايا المياه أهم وأفضل، مضيفا: «قولنا إن احنا ننظر بكل تقدير وإيجابية في مسألة التنمية لأشقائنا في إثيوبيا، ولكن ليس على حساب المياه»، مشيرًا إلى أن الدولة المصرية «عايشه على شريط المياه اللى بييجي من أسوان حتى إسكندرية وباقى الأرض صحراوية».
وقال السيسي، خلال اللقاء: «هذا كلام مش بنقوله علشان نبرر حاجة، وده واضح وأى مياه موجودة بدأنا في خطط استراتيجية لتعظيم الاستفادة مما لدينا من قدرات وإعادة التدوير»، مشيرًا إلى أنه عندما تم افتتاح محطة بحر البقر «كنا بنتكلم لما نخلص مشروعنا هياخد 3 سنين كمان هنبقا من أوائل دول العالم إذا مكوناش الدولة الأولى في العالم في حسن استخدام المياه وإعادة تدويرها».
وتابع الرئيس: «مياه النيل كانت بتييجي من غير تدخل ودلوقتى بقينا 100 مليون والمياه لم تتغير وبالتالي وصلنا طبقا لمعايير الأمم المتحدة الى مرحلة الفقر المائى بنتكلم في 500 متر او 600 متر في السنة في حين ان المعدل العالمى أكثر من 1000 متر في السنة.
وأضاف: «أشقائنا في إثيوبيا.. ننظر لكم بإيجابية فيما يخص مياه نهر النيل مع كل الأشقاء في دول حوض النيل من أجل الرخاء لينا كلنا، احنا عاوزين نعيش، لكن كمان مش هنحرم غيرنا أبدا أنه هو يعيش، وإلا هنبقا ناس مش موضوعين، حجم الميه اللى بتنزل على الهضية الاثيوبية 900 مليار متر مكعب، وحجم المياه المتجددة 40 مليارا.. الميه اللى بتجيلنا لا تساوي 10 % من المياه التي تسقط على الهضبة الإثيوبية.. ما نحتاجه هو الوصول إلى اتفاق قانوني يراعي شواغلنا ويفتح باب التنمية فيما بيننا وباقى الدول الافريقية».
