عمرو سلامة عن اتهام سرقة "بريستيج" من عمل أجنبي: شائعة ملهاش أساس من الصحة

علق المخرج عمرو سلامة، على ما تردد مؤخرا بشأن سرقة فكرة مسلسله الجديد "بريستيج" من عمل أجنبي، معبرا عن اندهاشه من انتشار مثل هذه الأقاويل ومن قبل عرض العمل الذي انطلقت حلقاته الأول على منصة "يانغو بلاي".

وقال عمرو سلامة في لقاء مع برنامج "تفاعلكم": "أنا معتقدش إني شفت عمل مصري في آخر 10 سنين نزله إعلان أو بوستر والناس متهمتوش أنه مسروق بشكل أو بآخر من عمل برا، دي بقت حاجة شائعة أنا بستغربها أن الناس بتحكم عليها من قبل ما المسلسل ينزل أتمنى الناس تتفرج ويبقى ليهم الحكم الأخير بعد ما يتفرجوا على المسلسل".

كما علق عمرو سلامة عن ما تردد أيضا بتشابه بوستر المسلسل مع بوستر آخر وإن كان مستوحي فكرته من عمل: "إحنا مش مستوحين المسلسل خالص من حاجة ويمكن بعد ما بدأنا التحضير للمسلسل حد قالنا دا في فيلم إسباني اسمه كذا الفكرة متشابهة شوية فبصينا عليه عشان نتأكد أن أحنا ملناش دعوة بيه خالص وفي ناس تانية شبهته بعمل مصري وناس شبهته بعمل أمريكي لو الواحد ركز مع دا مش هيعمل أي منتج في الدنيا، لأن طول الوقت بيحصل هذا الشكل من التشبيهات لما الناس بتتفرج بتكتشف أن هي ملهاش أساس من الصحة"