مجدي الهواري ينتقد مسلسل "برستيج": فقدت الشغف.. والمفروض أكون متشوق لحد آخر حلقة
كتب: نسرين إبراهيم
كشف المخرج مجدي الهواري، عن رأيه في مسلسل «برستيج»، إخراج عمرو سلامة، المكون من 8 حلقات، والذي تم عرضه مؤخرًا على منصة «يانجو بلاي».
وقال مجدي الهواري، خلال استضافته في برنامج «الراديو بيضحك»، تقديم الإعلامية فاطمة مصطفى، والمعروض على«الراديو 9090»:«الفن ملهوش قاعدة، ودايما احنا كصناع بنحاول نعمل حاجات برا الصندوق،لازم يكون فيه إبداع ومفيش قوانين في الفن، ولو حد خريج معهد سينما ومبدع، هتلاقيه لما بيشتغل بيكسر كل قواعد اللي درسها، وبيطلع أفلام رائعة بتاخد جوائز».
وأضاف: «لكن لازم يبقى فيه معايير يكون المخرج متفق فيها مع المشاهد في بداية العمل عشان يبقى عارفها وهو بيتفرج، لو المتفرج مفهمش اللي المخرج مقدمه محدش هيكمل المسلسل،وقتها هيبقى مجرد تجربة، وأنا مش ضد دا،المسلسل جريمة كوميدي، المفروض أكون متشوق لحد آخر حقة عشان أعرف مين الجاني، لكن لما أفقد الشغف إني أعرف يبقى فيه مشكلة».
